إتحاد أصحاب الصلع والجلحات الصغيرة!

"يُوجد أسى وأسف ودموع"..
كنت حأكتبا فوق في العنوان لكن خفت المساحة ما تشيل



وأصل الحكاية إني كنت مربي لي "تفة" كده محترمة, و"التفة" بكسر التاء, مصطلح للشعر الكتير!
ولتقريب المعنى للناس الثقافتا هاااي, هي حاجة كده ذي "الآفرو" حقت مايكل جاكسون في شبابو ديك..
وهي من الحاجات البتدي ثقة بالنفس وبتخلي أعضاء النادي الفوق ديك يحسدوك, ده لو ما شموك عديييل!

أها, وأنا عايش فرحان بي تفتي دي, قام الشيطان وسوس لي, وقال لي ياخ الدنيا مسخنة ومرطبة, والجو كعب, أحلق شعرك ده, خلي الهوا يضربك سااي!

ومشيت ورا الملعون لحدي محل الحلاق البنقالي, وقلت ليهو: نمرة أتنين بالله!

وقعدت أعاين لي روحي في المراية "لأول مرة من زمن"! والمعلم شغال جز في التفة, وشوية شوية وأشوف ليك مساحات نضيفة تماما بدت تظهر! وكلما الحبيب يمشي لي سايد, تظهر المساحات الفاضية دي, لحدي ما أضطريت "أحدر" ليهو وأقول ليهو بي زعل: ياخ ما قلنا ليك نمرة اتنين ياخ, ما صلعة!

والبنغالي يطمن فيني باللغة بتاعتو, وأنا مستغرب , على وزن "وأنا أعيط"!

البتاعات الفاضية دي أمبارح كانت مافي, جات من وين هسا, ولا ما نحلق يعني؟!

وفي الأخر طلعت من البنغالي, وأنا مقدم طلب على نادي جمال حسن سعيد, بتاع الصلع ده, "كعضو متعاون", لأنو لسة يعني, يادوووب جلحات صغيرة كده, وما ظنيتا تبقى صلعة كاملة الدسم, إلا بعد عشرة عشرين سنة كده, وبعد عشرين سنة لو ما بقت, أنا برااااي بحلقا!

أها ولحدي ما نجي "نفكَك" مسألة الصلعة دي, لو في أي زول ولا زولة, عارف معلومة مفيدة عن علاج المصيبة دي, يعني كريم أعشاب, زيت خروع, عصير نيم, شامبو كوارع, أي حاجة ممكن تفيدنا يعني, ما يبخل بالله, ومن فرج عن مؤمن كربة , ولا أراكم الله مكروها في "تفة" لكم, وأبعد عنكم شر الجلحات الزاحفات, ووقاكم عذاب الصلع الكبيرة,

آميييينّ

حبينا حاتم


والله انا سمعته انو لعاب البقر يجعل الشعر ينمو ولذلك اوجه لك الدعـــــــــــوة بزيارة احد فرقان البقارة وما تخاف انت مد راسك للبقرة وهي لوحدها بتلحس
وبكده تكون اتخلصت من المشكلة دي.

لك ودي

اخونا حاتم
ربنا يكفيك شر الصلع , امشي كدا وشوف ليك بول بعيرقالوا ليك دي مجربة وفعالة بصورة غير عادية ,
وما تخاف اخير من لحسة البقرة

مع تحياتي

اقتباس: المشاركة الأصلية كتبت بواسطة amin_bushari     حبينا حاتم والله انا سمعته انو لعاب البقر يجعل الشعر ينمو ولذلك اوجه لك الدعـــــــــــوة بزيارة احد فرقان البقارة وما تخاف انت مد راسك للبقرة وهي لوحدها بتلحس وبكده تكون اتخلصت من المشكلة دي. لك ودي

ههههههههههههه
عمو امين عاوز تطيع الود ,,, يشمى مطير عيونوا تنطحوا ليك بقره ..تفتلووا نهائى ..
بعد الصلعه يمسكوا جنون البقر ..

اقتباس: المشاركة الأصلية كتبت بواسطة amin_bushari     حبينا حاتم والله انا سمعته انو لعاب البقر يجعل الشعر ينمو ولذلك اوجه لك الدعـــــــــــوة بزيارة احد فرقان البقارة وما تخاف انت مد راسك للبقرة وهي لوحدها بتلحس وبكده تكون اتخلصت من المشكلة دي. لك ودي

والله يا أمين ياخ أنا برضو سمعت بالعلاج ده.. لكن ما ركزت معاهو كتير في الوكت داك, لأنو أخوك كان في عزو وكده..
بعدين في الوكت الراهن حكاية فرقان البقارة دي صعبة شوية.. نحن وين وهم وين ياخ..
مافي طريقة تجازف لينا لعاب البقرة ده في قزازة كده وترسَلو لينا "سفري"

اقتباس: المشاركة الأصلية كتبت بواسطة هاجر ياسين     اخونا حاتم ربنا يكفيك شر الصلع , امشي كدا وشوف ليك بول بعيرقالوا ليك دي مجربة وفعالة بصورة غير عادية , وما تخاف اخير من لحسة البقرة مع تحياتي

يا هاجر
وبول البعير بتلقي في البقالات, ولا برضو لازم نجازفو من بادية بني قحطان - على وزن بادية البقارة - ؟

بعدين ياخ لحسة بقرة لحسة بعير لحسة أسد, ما مهم.. المهم النتيجة تكون فعاَلة, خاصة إنو نحنا داخلين في مرحلة حرجة من تاريخنا وكده..

اقتباس: المشاركة الأصلية كتبت بواسطة ود قرشي     ههههههههههههه عمو امين عاوز تطيع الود ,,, يشمى مطير عيونوا تنطحوا ليك بقره ..تفتلووا نهائى .. بعد الصلعه يمسكوا جنون البقر ..

يا ود القرشي ياخ أنا بقول ليك كنت "آفرو" عديييل كده..
وهسا بقيت "أب جلحات".. عليك دينك دي ما حالة أخير
منها جنون البعير زاتو.. خيك من البقر؟

أكبر صلعة في السودان, هي صلعة البشير, في زول عندو إعتراض؟
وأشهر صلعة, هي صلعة عمك أبو اللمين, والحاجة الغريبة إنو جيلنا وكم جيل قبلنا كده, قاموا لقو صلعة ود اللمين دي, بي نفس حالتا الراهنة, وماشاء الله تبارك الله!
ومن الفنانين المشهورين بالصلعة, سيف الجامعة, ومصيبتو كمان إنو داسيها ورا الطاقية, على طول الخط!
هي أي نعم شينة شديد, لكن برضو كان يكون أحسن لو خلاها وخلا نفسو على الطبيعة, والناس بتتعود عليها!
نفس الحكاية مع طرزان, النور الجيلاني, والغريبة كمان إنو عامل راستا!

زمان زمن الجهل, كنت مفكر أعمل راستا وكده, فالشباب قالوا لي بتعمل ليك صلعة, قمت نسيت الفكرة, ولو كنت عارف إنو البتاعة دي محمدانا محمدانا, كنت عملتها " وكتلوك ولا جوك جوك"!

الله يرحم أستاذنا أبو سامر, مصطفى سيد أحمد, شفناهو في زمن شبابو وشبابنا, وشباب السودان, ولمن رجعنا شفناهو بعد ما الغربة أخدت منو ومننا, وبعد ما جلسات العلاج والمرض هدَت حيلو, وشفنا بوادر الصلع والشيب والتعب بادية عليهو, إتألمنا شديد والله, وخيل لي إنو الهزيمة ظهرت عليهو, زي ما ظهرت فينا كلنا, وأترحمنا على أيام شبابو وعزنا!!


اللهم إنا لا نسألك رد القضاء ولكنا نسألك اللطف فيه..

وينو ود عبد المجيد

ياخي انا اول حلاق قال لي عندك شعر خفيف شديد في الحتة دي شاميهو ليك لحد هسه



انا على العموم صامد لحد هسه، لكن بدأت تظهر من النص وليس الاطراف

لكن يا عمك، العلم اتطور، في زراعة وفي شتل، وقالوا في ادوية بتقلل من التساقط لكن ما بتقوم الشعر.

كدي انت جرب وصفات امينو وهاجر دي، و ورينا النتيجة

مرور سريع يا أبجلحات .... و كده

جاااااااااااااااااي

ياحاتم ,, سلام

ويا ود ابنعوف -
أنا صلعتي غايتو قامت شوية
والدور جاي عليك مع العزوبية الانت فيها دي
كل يوم قاعد تكبِِّرت البيت وتمعط في شعراتك
وتحنس في بت أبليس عشان تجيك بدون فائدة -

والله موضوعكم دا وقع لي في صلعة ( اقصد في جرح )
تصدق انا قبل عشرة سنوات بس كنت خنفس خنفسة شديدة خلاث
بس من ما مشيت الحج مع انها ما المرة الاولى لكن الحجة ديك كانت غير ( على وزن جدة غير )
ومن ديك وعيك ظهر التصحر والجفاف وإنطفي نجمي الافل
لكن انصحك يا حاتم لا تمشي لبقرة تلحس ليك ولا لجمل يبول ليك ( حلوة يبول ليك دي )
خليها على الزمن وكتر من الشامبو الريحتو عفنة ( أم فت فت يعني )
وطالما أنت طابق ومعاك البعلولة فما يمهك من باقي الجكس –
وبالمناسبة حسي الموضة الجكس بعاين لراجل المرة الحلو حلاة –
وما ممكن يكون راجل مرة وماعندو صلعة ( نظرية )
لان النسوان هم البحتو الشعر

اها شوف صورتي قبل النكسة وقارن بالتي هي أحسن

عاالم بطااااالــــة

اقتباس: انا على العموم صامد لحد هسه، لكن بدأت تظهر من النص وليس الاطراف

ود ابنعوف, بتاعة النص دي اسمها الغداره, لانك ما بتكون شايفا و بتكون شغاله من ورا في صمت. و هي أسوأ انواع الصلع.

حاتم يا أخوي الصلعه دي ما عندها علاج (عن تجربه) ما تتعب ساكت.

التحية و الاحترام لدكتور سنهوي و للاخ ادم عيسى

لو القصه دي عندها علاج ما كان غلب سيادة الريس أو ابو اللمييييييييييييييين.

(الحبر الاعظم) خاتي صورك هنا

قلتا لي عايش (ماضي الذكريات) ... حليل أيامك

حليل أيام ..أيام ما كنا ...كنا بنحلم بالمستقبل

حليلك يا الضي

زي ما قاليكم فتوش ......... خنفس تاني (نهي نهي)

العرس عرس ... و الما عرس ..يشوف ليهو

(سمير غانم ) ...قصدي (باروكة)

لو جينا للنضمي السمح .... لزوم الشعر شنو ؟؟؟؟

لو جينا للنضمي السمج .... لزوم العرس زاتو شنو؟؟

زي ما بقول المثل الصيني ..( عزابي أصلح ..و لا

متزوج مخنفس)


توقيع ..كوكو (فردة مجيدو ... و عاشقها كمان؟؟؟؟)

لو تلاحظو ...(العالم البطالة) ...كلها مصلعة

يكون السبب شنو؟؟؟؟؟؟؟؟؟



أكيد من الموية

غايتو يا حاتم .... الفيك أتعرفت

مرحباً بك عضواً في شلة المنحرفين ...قصدي المجلحين

كدي بالله يازملاء بعد ما تخلصوا من موضوع الصلع دة شوفوا لينا معاكم موضوع الشيب المبكر جداً دة كمان .. لأنه ما معقولة أبداً الواحد كل يوم قبل ما يطلع على الجامعة يشيل الفرشة والصبغة ويقعد يجلط .. دي ما حالة دي .. الجكس شال حسنا ياخ ..

اقتباس: المشاركة الأصلية كتبت بواسطة Fabulous     كدي بالله يازملاء بعد ما تخلصوا من موضوع الصلع دة شوفوا لينا معاكم موضوع الشيب المبكر جداً دة كمان .. لأنه ما معقولة أبداً الواحد كل يوم قبل ما يطلع على الجامعة يشيل الفرشة والصبغة ويقعد يجلط .. دي ما حالة دي .. الجكس شال حسنا ياخ ..

ماشاءالله .... المنبر كلو .......عاهات

حتوما جاكم بى هنا ده

برى برى ما شفنا
عندو صلعة ماشفتو

بجيك لكن يا امينو قلت لى شنو
كـــــــــــــــــــــــــــــــــــــاك
انت ماتديهو الروشته كاملة
باقى حاتم ده ود خرتوم وكده
انت ماتقول ليهو ارضع مباشرة من ضرع بقرة
وطبعا انت عارف البهيمة لما جناها يرضع منها بتسوى شنو
بتنضف ليهو الكاكا بى لسانا
اها هنا طوالى حتومه ابو جلحة يقبل بى سراع بى سراع ويديها صلعتو على اعتبار انها .......بالنسبة للبقرة


خخخخخخخخخ

لكن يا مجيدو اب شنب هيع هلا هلا
انا بقترح انو الصلعة دواها قاااعد عارفنو شنو
اوعه تسالونى
غايتو انا بقترح عليهو

اقتباس: المشاركة الأصلية كتبت بواسطة koko123     ماشاءالله .... المنبر كلو .......عاهات

كـــــــــــــاك عاشقها كوكو

فابليوس ده شيبو عارفو من شنو
الزول ده ببارى لنكات الجكس فى الانترنت
اى طرحه حايمه بتلقى فاب جنبها طوالى

اها الزول ده من لنك لى لنك لحدى ما لقى نفسو وش مع طالبان

كـــــــــــــــاك اختى اللنكات ده علاج الشيب

اقتباس: المشاركة الأصلية كتبت بواسطة hatim..     "يُوجد أسى وأسف ودموع".. كنت حأكتبا فوق في العنوان لكن خفت المساحة ما تشيل وأصل الحكاية إني كنت مربي لي "تفة" كده محترمة, و"التفة" بكسر التاء, مصطلح للشعر الكتير! ولتقريب المعنى للناس الثقافتا هاااي, هي حاجة كده ذي "الآفرو" حقت مايكل جاكسون في شبابو ديك.. وهي من الحاجات البتدي ثقة بالنفس وبتخلي أعضاء النادي الفوق ديك يحسدوك, ده لو ما شموك عديييل! أها, وأنا عايش فرحان بي تفتي دي, قام الشيطان وسوس لي, وقال لي ياخ الدنيا مسخنة ومرطبة, والجو كعب, أحلق شعرك ده, خلي الهوا يضربك سااي! ومشيت ورا الملعون لحدي محل الحلاق البنقالي, وقلت ليهو: نمرة أتنين بالله! وقعدت أعاين لي روحي في المراية "لأول مرة من زمن"! والمعلم شغال جز في التفة, وشوية شوية وأشوف ليك مساحات نضيفة تماما بدت تظهر! وكلما الحبيب يمشي لي سايد, تظهر المساحات الفاضية دي, لحدي ما أضطريت "أحدر" ليهو وأقول ليهو بي زعل: ياخ ما قلنا ليك نمرة اتنين ياخ, ما صلعة! والبنغالي يطمن فيني باللغة بتاعتو, وأنا مستغرب , على وزن "وأنا أعيط"! البتاعات الفاضية دي أمبارح كانت مافي, جات من وين هسا, ولا ما نحلق يعني؟! وفي الأخر طلعت من البنغالي, وأنا مقدم طلب على نادي جمال حسن سعيد, بتاع الصلع ده, "كعضو متعاون", لأنو لسة يعني, يادوووب جلحات صغيرة كده, وما ظنيتا تبقى صلعة كاملة الدسم, إلا بعد عشرة عشرين سنة كده, وبعد عشرين سنة لو ما بقت, أنا برااااي بحلقا! أها ولحدي ما نجي "نفكَك" مسألة الصلعة دي, لو في أي زول ولا زولة, عارف معلومة مفيدة عن علاج المصيبة دي, يعني كريم أعشاب, زيت خروع, عصير نيم, شامبو كوارع, أي حاجة ممكن تفيدنا يعني, ما يبخل بالله, ومن فرج عن مؤمن كربة , ولا أراكم الله مكروها في "تفة" لكم, وأبعد عنكم شر الجلحات الزاحفات, ووقاكم عذاب الصلع الكبيرة, آميييينّ

نصيحة من طبيب ما من مجرب

احسن علاج للصلعه الطناش والرضى بقضاء الله وقدرو يعني نفسيات يا معلم
وما تضيع قروشك وزمنك في الفاضي

مش كويس الواحد يبدأ يغسل وشو من نص راسو؟

من فوائد الصلع

- طراوة في الراس
- تضفي نوع من الوقار
- تمشي الحلاق تخلص بسرعة لو مشيت اصلا
- المدام ما حتقدر تمعطك (وجه خبيث )

اقتباس: المشاركة الأصلية كتبت بواسطة Fatoush     ود ابنعوف, بتاعة النص دي اسمها الغداره, لانك ما بتكون شايفا و بتكون شغاله من ورا في صمت. و هي أسوأ انواع الصلع.

فتوش شنو ياخي

ما طمنتنا كلو كلو


ود السيالي يا مجرم

القصة الايام الشكوى من الشيب والصلعة

كلها كم سنة والكيزان لسه قابضين وتراجي لسه فاتحة المنبر دا، يتبقى تسمع في عاهات تانية، النوع الودر ليك بتاع نيجيريا داك

آآآي ، ياها الحبة الزرقاء

وندخل بخطى واثقة ..وجواز سفر ناصع ...الى نادي الصلع والجلحات الصغيرة ...

والصلعة يا جماعة الخير ميزة ..وعلامة فارقة ...ويقال فى بعض الروايات اصحابها خلاقين ومبدعين ...

وعلى ما يبدو اصحابها اتفقوا على وجود شعرهم فى بدايتهم بغزارة يحسدهم عليها خلانهم ..ولكن فى لحظة ما وزمان ما ...لم تكن تلك الشعيرات وفية ..ومجزلة العطاء فأختارت الرحيل المبكر ..وتركت فراغا لامعا خلفها لمذيد من نصوع ووضوحا ...

هكذا كانت قصتهم معى الا بعض شعريات ابين الا ان لا يرحلن على فروة راسى ومخزن افكاري ..وظللن الدفء فى وقت الشتاء والحماية فى هجير الصيف ...

وان المرء لسعيد بهكذا صلعة لا تكلف الذهاب للحلاق مرتين ، ولكن تلزمك مسحا وتلمعا وتنسيقا ...

ولهذا يا صديقى حاتم هيى النفس من الان لهكذا حياة قادمة
ولا تترجي شعيراتك الائى اخترن البعاد والرحيل ووثق عري صداقتك مع الباقيات الطيبات علهن يكن لك ذاد ودف فى اليالي الشتوية الطويلة او فى عز الصيف ...

وابتسم فانت اذا من المشاهير

عزيزي عيسى أبو صلعه.

كلامك عن الصلعه يجعل أمثالنا من ذوي الشعور الطويله يشتهون ان تكون لهم صلعه.

لكنه مثل كلام أبي نواس في الخمر, كلام جميل فحسب.

اقتباس: المشاركة الأصلية كتبت بواسطة Fatoush     عزيزي عيسى أبو صلعه. كلامك عن الصلعه يجعل أمثالنا من ذوي الشعور الطويله يشتهون ان تكون لهم صلعه. لكنه مثل كلام أبي نواس في الخمر, كلام جميل فحسب.

صديقى فتوش ...

تعرف اصدق حاجة ان تكون متوافق مع ذاتك ،وقانع بما وهبه الله لك ..ومحب لنفسك ...فعلا لا قولا ...
فصلعتى مصدر فخر لى ..لانها شخصيتى ..كمان ان صاحب الشعر المسبب فخور بشعره ..
ولكن بالغت فى مقارنتها بالخمر من حيث التشبية بالمحاسن ..ياااخ قول مثما قال قيس فى ليلاه ...

وصلعتى ليلايا ..
ونور ..جبهتى ..وعينايا
ان ترات لكم .جهرتم ..
كانعكاسات الضوء فى المرايا ..
احبها ..
وتحبنى ..
وتحب حبيبتى شعيراتها الثنايا ...
ويا صلعتى ..
التى ذاع صيتها وصارت شهرتى ..
لك التحية منى
فى صبحى ومسايا
ـــــــــــــــــــــــ
شفت كيف بندلعا

سلاام جمعية المصلعين

اووووو عيسى جديد نائب زعيم اصحاب الصلع بعد عموو مجيدوا طوالى

ناس نحنا عندنا جلحات ...صغيره

حاااتم يا زول ده كلو حنك ببيش شوف ليك طاقيه ابو كسكته وخلاس وابقي رئيس اتحاد الصلع ...

اقتباس: المشاركة الأصلية كتبت بواسطة hatim..     "يُوجد أسى وأسف ودموع".. كنت حأكتبا فوق في العنوان لكن خفت المساحة ما تشيل وأصل الحكاية إني كنت مربي لي "تفة" كده محترمة, و"التفة" بكسر التاء, مصطلح للشعر الكتير! ولتقريب المعنى للناس الثقافتا هاااي, هي حاجة كده ذي "الآفرو" حقت مايكل جاكسون في شبابو ديك.. وهي من الحاجات البتدي ثقة بالنفس وبتخلي أعضاء النادي الفوق ديك يحسدوك, ده لو ما شموك عديييل! أها, وأنا عايش فرحان بي تفتي دي, قام الشيطان وسوس لي, وقال لي ياخ الدنيا مسخنة ومرطبة, والجو كعب, أحلق شعرك ده, خلي الهوا يضربك سااي! ومشيت ورا الملعون لحدي محل الحلاق البنقالي, وقلت ليهو: نمرة أتنين بالله! وقعدت أعاين لي روحي في المراية "لأول مرة من زمن"! والمعلم شغال جز في التفة, وشوية شوية وأشوف ليك مساحات نضيفة تماما بدت تظهر! وكلما الحبيب يمشي لي سايد, تظهر المساحات الفاضية دي, لحدي ما أضطريت "أحدر" ليهو وأقول ليهو بي زعل: ياخ ما قلنا ليك نمرة اتنين ياخ, ما صلعة! والبنغالي يطمن فيني باللغة بتاعتو, وأنا مستغرب , على وزن "وأنا أعيط"! البتاعات الفاضية دي أمبارح كانت مافي, جات من وين هسا, ولا ما نحلق يعني؟! وفي الأخر طلعت من البنغالي, وأنا مقدم طلب على نادي جمال حسن سعيد, بتاع الصلع ده, "كعضو متعاون", لأنو لسة يعني, يادوووب جلحات صغيرة كده, وما ظنيتا تبقى صلعة كاملة الدسم, إلا بعد عشرة عشرين سنة كده, وبعد عشرين سنة لو ما بقت, أنا برااااي بحلقا! أها ولحدي ما نجي "نفكَك" مسألة الصلعة دي, لو في أي زول ولا زولة, عارف معلومة مفيدة عن علاج المصيبة دي, يعني كريم أعشاب, زيت خروع, عصير نيم, شامبو كوارع, أي حاجة ممكن تفيدنا يعني, ما يبخل بالله, ومن فرج عن مؤمن كربة , ولا أراكم الله مكروها في "تفة" لكم, وأبعد عنكم شر الجلحات الزاحفات, ووقاكم عذاب الصلع الكبيرة, آميييينّ

وحاااة الله يا كوتش
الجلحات دي أخوك والدنوبيها وياها الفينا لي حسي

وكان جينا نعرس وفتحو خشم بنوريم صورة الطهور

اقتباس: المشاركة الأصلية كتبت بواسطة koko123     لو تلاحظو ...(العالم البطالة) ...كلها مصلعة يكون السبب شنو؟؟؟؟؟؟؟؟؟ أكيد من الموية غايتو يا حاتم .... الفيك أتعرفت مرحباً بك عضواً في شلة المنحرفين ...قصدي المجلحين

يا كوكو
البطوليه زاتا بتفرز هرمونات زكوريه عاليه مليانه تستسترون وبتحت الشعر عشان كدا شلتكم دي الا الا تشوف ليها بواريك



قلت لي المنبر كله عاهات والله ضحكتني لمن البشر احتارو فيني

اقتباس: المشاركة الأصلية كتبت بواسطة أحمد ابن عوف     وينو ود عبد المجيد ياخي انا اول حلاق قال لي عندك شعر خفيف شديد في الحتة دي شاميهو ليك لحد هسه انا على العموم صامد لحد هسه، لكن بدأت تظهر من النص وليس الاطراف لكن يا عمك، العلم اتطور، في زراعة وفي شتل، وقالوا في ادوية بتقلل من التساقط لكن ما بتقوم الشعر. كدي انت جرب وصفات امينو وهاجر دي، و ورينا النتيجة

ود ابن عوف
حتكون أول عضو مسجَل معانا في الإتحاد ده.. وما تقعد
تقول لي لأ, أنا شعري خفيف وبس!!
أهلنا زمااان قالوا, الصلعة ولا الشعر الخفيف ..

اختار ليك منصب سريع قبل ما نوزَع الكعكة وكده..

اقتباس: المشاركة الأصلية كتبت بواسطة koko123     مرور سريع يا أبجلحات .... و كده جاااااااااااااااااي

دي الحركات البتعمل لينا أكولة في النفسيات ذاااتا..
وبصراحة ده تمييز عنصري من طرفك.. يعني الواحد
عشان "مجلَح" حبتين تقوموا في كل ملف تذكرَو..

:

اقتباس: المشاركة الأصلية كتبت بواسطة محمد عبد المجيد     وما ممكن يكون راجل مرة وماعندو صلعة ( نظرية ) لان النسوان هم البحتو الشعر اها شوف صورتي قبل النكسة وقارن بالتي هي أحسن عاالم بطااااالــــة

محمد عبد المجيد
تخيل أول مرة أتأمل في "صورتك" الخايف عليها دي.. وشكلك
حتكون مكسب كبير للإتحاد حقنا.. يا زول أديناك الرئاسة عديييل كده
تقديرا "لحجم" المجهودات المبذولة وكده..

نظريتك الفوق دي حقت النسوان هن البحتن الشعر, عندي فيها رأي..
أخوك شعرو ده إتحتا ساااااي والله.. لا نسوان لا شي..
لكن إحتمال "التنشن" الكتييير الناتج من التفكير الكتييير في النسوان
البحتن الشعر..

وصورتك الزماااان دي, صورة طبق الأصل من صورتي
القبل شهور دي
والجلحات - بت اللذينا دي - هي العملتا فيني..

اقتباس: المشاركة الأصلية كتبت بواسطة Fabulous     كدي بالله يازملاء بعد ما تخلصوا من موضوع الصلع دة شوفوا لينا معاكم موضوع الشيب المبكر جداً دة كمان .. لأنه ما معقولة أبداً الواحد كل يوم قبل ما يطلع على الجامعة يشيل الفرشة والصبغة ويقعد يجلط .. دي ما حالة دي .. الجكس شال حسنا ياخ ..

يا فاب
ياخ إنتا قاعد في الطراوة وآخر راحات والله..
على الأقل عندك تفة بتديها جلطات بالفرشة والصبغ..
إتخيل نفسك "ميحي".. حتجلط شنو يعني؟
والله إلا تعمل ليك "دقن" كده مااااكنة وتقعد تجلط فيها

الاخ العزيز صاحب البوست الظريف

انا والحمد لله داخل هنا واسطه لود خالتى والله ود مواليد83 وبعد دا لو شفتا الصلعه اسكت بس
اها لما شاف الموضوع قال لى خش لى على الناس ديل
واشتغل بالمثل البقول الزول بونسو غرضو
اها والزول دا فتر من المجيك ومن الوين والوين
اها لحدى ماتلقو ليكم صرفه نخلى الجمل يبول ليهو فيها ههههههههههههههههههههههههههههههههههه

مقال لدكتور . فتح العليم عبد الله
ضع كل الصحف السودانية امامك على طاولة ثم اقرأ العناوين البارزة تجد الآتي : نهب بنك في الهزيع الاخير من الليل الجثة تدخل المحكمة وتمسك بتلابيب القاضي ، 6 مليارات جنيه جملة اختلاسات المال العام ، امرأة في الستين من عمرها حامل بالحلال ، شلل الاطفال يكتسح الولاية الشرقية وبعد كل ذلك تجد مربعاً صغيراً على الصفحة الاولى مكتوب داخله (ابدأ بها يومك) انتو خليتو لينا يوم نبداهو !؟

ما رأيك صديقي القارئ ان نهرب سويا الى موضوع آخر قد يجعلك على الاقل في وضع طبيعي ان لم يكن ممتازاً.
لقد قسم العرب نمو الاسنان الى مراحل فقالوا انه مادام رضيعا فهو صبي فاذا فطم فهو وليد فاذا راهق فهو غلام فاذا خرج شعر وجهه فهو شاب ثم يكون مجتمعا ثم كهلا ثم شيخا ثم يتوجه الى الدار الباقية اما شاكراً واما كفوراً.

جرت العادة أن يصاب الرجل بالصلع في طور شاب او مجتمع فاذا حدث بعد ذلك فهو تدرج طبيعي وان حدث قبل ذلك فهو اما جرب او ما يعادله بالامراض الاجنبية كذلك الاصلع هو الذي ذهب الصلع عن وسط رأسه فاذا ذهب عن الصدغين قيل انزع اما الثط فهو الذي ليس له شعر في اللحية او العارضين والسنطا هو الذي ليس له شعر في العارضين وله في اللحية.

الرجل الأصلع علي الدوام شخص كريم خطيب غزير الادب والحكمة هادي الطبع يجيد فن التفاوض في الازمان وصاحب حيل وافانين يستحيل على الفريسة النجاة منه كما انه يحب النساء والصيد لحدي هنا كويسين.

يبدأ الشعر في السقوط عقب المراهقة بعشرة دقائق فقط ويعزي الاطباء ذلك الى تدفق هائل للهرمونات الذكرية وهذه محمدة فالصلع لا يصيب اى كائن الا الذكور في بني آدم وما تقولي قال الجاحظ ولا شيطان احمر.

في بداية التساقط تجد الشاب يقضي معظم الساعات امام المرآة متفقدا شعره صوفة صوفة ثم يستعين على رؤية مؤخرة الرأس بمرآة اخرى كي يطمئن قلبه ولا يألوا جهدا في البحث عن ادوية بلدية مثل ماء البصل ولبخة الحسكنيت او كريمات مستوردة مغذية للبشر ودا كله ما بحله جاياهو جاياهو .
اصحاب الصلع في الطريق العام ينظرون الى بعضهم البعض دون معرفة سابقة ويسود بينهم ود شديد كما انهم يتبادلون غمزات وشفرات لا يعرفها غيرهم فهم مثل جماعة الماسونية تماما عندما تكون الصلعة في بداياتها ينظر صاحبها الى اصحاب الصلع المكتملة فيرى فيهم مستقبله فيصاب بالاكتئاب وهم يرون فيه ماضيهم فيصابون بالحسرة لا تحزن يا صديقي ان الله معنا ويكفينا القول المأثور ان كل ذي صلعة فاهم وليس كل فاهم بذي صلعة.
الرجل الوسيم مكتمل الهيئة والصورة لا يحتاج الى كثير عناء لامالة قلب امرأة اما ذوي العاهات من اصحاب الصلع فعليهم اعباء ثقيلة جدا لكي يصلوا الى ما وصل اليه الوسيم في لا زمن حيث على الواحد منهم ان يكون كريما لطيفا سخيا شجاعا ودا شغل كثير خلاص يا جماعة ومكلف للغاية.
الملاحظ في الصلع في السودان هو انه عكس الامطار تماما فهو يقل كلما اتجهت جنوبا ويزداد كلما اتجهت شمالا زد على ذلك فهو من طائفة الامراض (س . ص) الغير قابلة للعلاج حتى الآن مثل السكري والصرعة والسرطان وهذه ايضا محمدة وقائمة الامراض (س . ص) طويلة جدا الاانني لا اريد ان اخيف القارئ لكيلا ادحض الهدف الذي وعدتك به في اول المقال.
السودان من البلاد الموبوءة باستخدام الانصاص كقولك نص بيت نص عرقي ، نص جالون ، نص كم ،حتى الشوارع يقولون عليها الثورة بالنص وكذلك السجانة فاذا كان الاعتراف بالانصاص قد صار بهذه الشمولية فلماذا يحاسبنا الحلاقون على اساس انه رأس كامل ؟ اليس هذا تطفيق وظلم وبيع باطل ؟ الا يكفينا ما نحن فيه من وساوس وكمان ندفع ؟ .
بعض الناس يطيل الشعر الذي على جانبي الصلعة ثم (يجلطه) عليها فتبدو مكسوة بالسواد وتجعل من منظر الشخص مقبولا الا ان علاقة هذا الشعر بالصلعة مثل علاقة القش بالمكيف فهو ليس من الاصل مثل هذا الشخص تجده حذر جدا في ان يصطدم بشئ مثل حافة باب او خلافه كما انه يقرأ النشرة الجوية جيدا قبل الخروج لمعرفة اتجاه الرياح فان كان ذاهبا الى توتي والرياح معترضة اياه فسوف يغير وجهته الى محلية الازهري كي يحتفظ برأسه مغطى.
كذلك تعتبر حلاقة الصلعة عقوبة عند معظم الشعوب ففي السودان مثلا اذا اتت البنت منكرا حلقوها صلعة او على الاقل هددوها بذلك وهذا رادع جدا حتى الاولاد يخشون الدخول في معسكرات الخدمة الوطنية خوفا من الحلاقة صلعة ولا ادري لماذا تعتري الناس الفوبيا من الاصابة بها علما بأننا كويسين والحمد لله.
في زمن خلافة سيدنا عمر بن الخطاب رضي الله عنه كان هنالك فتى وسيما وجميلا اسمه نصر بن حجاج انشغلت كل بنات المسلمين بذلك الفتى حتى صرن يرددن اسمه في الشهيق والزفير وذات يوم اثناء مرور سيدنا عمر سمع فتاة ضاق بها الحال تقول :
ياليت شعري عن نفسي ازاهقه
مني ولم اقض ما فيها من الحاج
هل من سبيل الى خمر فأشربها
ام من سبيل الى نصر بن حجاج
سأل سيدنا عمر الناس من نصر بن حجاج ؟ قيل اجمل فتيان المدينة قال على به فلما رآه من اجمل الناس قال له عزيمة من امير المؤمنين ان تحلق رأسك.
قال الراوي اثناء قيام الحلاق بازالة شعر نصر كانت الفتيات يتخطفن الخصل بعد الحلاقة صار نصر بن حجاج اكثر بهاء فأمره عمر رضي الله عنه ان يتلثم حتى لا تبدو الا عيناه فافتتن الناس بعينيه فقال له عمر : لا تساكنني ببلدة انا فيها ونفاه الى خراسان وهنالك افتتنت به زوجة والي خراسان (يعني جاط الدنيا جوطة) بعد عام جاءت والدة نصر الى سيدنا عمر وقالت يا امير المؤمنين عبد الله وعاصم بين يديك وولدي في خراسان ؟ رد على ولدى فسكت عمر قليلا ثم قال اما وانا بالمدينة فلا.
كان هنالك رجل موهوم يظن ان كل صاحب صلعة شخصا عظيما عبقريا فكلما يلقي احدهم في الطريق يسلم عليه ببشاشة ثم يسأله شغال شنو بالله ؟ فيرد وكيل وزارة فيقول الموهوم دا الكلام وفقك الله ظل الرجل الموهوم على هذا الحال فيوما يلتقي بنائب اخصائى ومرة بقاضي محكمة عليا وذات يوم رأى رجلا له صلعة ملساء مستديرة ساطعة فهرول نحوه هاشا وبعد ان سلم عليه سأله السؤال المعتاد شغال شنو بالله ؟ فرد الرجل عندي زريبة فحم فقال الموهوم هسع دي عاوزه ليها صلعة !!
كلام حكيم
سأل قيس رجلا لماذا ينجح الممثلون اكثر مما ينجح الواعظون فقال الرجل إن الممثلين يتكلمون عن الاشياء الخيالية كأنها حقيقة والواعظون يتكلمون عن الاشياء الحقيقية كأنها خيالية.
يا حاتم الكلام دا كان في جريدة الصحافة السنة الفائتة , حبيت اقول ليك الجاتك في راسك سامحتك , و الآن الأمر لك اختيار في العلاج المناسب . ( بالمناسبة لو كسرت الجكس بعد الحلاقة و الجلحات و خيروك في بلد المنفى أمشي شاشاميني في اثيوبيا ) لك التحية و لكل مرورك
سلام.

د.حاتم محمد حسين

كلامك سمح بالحيل

اقتباس: المشاركة الأصلية كتبت بواسطة Fatoush     . حاتم يا أخوي الصلعه دي ما عندها علاج (عن تجربه) ما تتعب ساكت. لو القصه دي عندها علاج ما كان غلب سيادة الريس أو ابو اللمييييييييييييييين. من أشهر الدجالين الذين يدعون علاج الصلع, دكتور سنهوري (بتاع المرديان) و هو همباتي بس, يخليك بدون شعر و بدون قروش

أخونا فتوش
شكرا على الدعم المعنوي..
لكن ياريت لو حكيت لينا عن تجربتك مع الكارثة دي..
ويبدو إنها تجربة مريرة.. طالما إنك قلت ما في علاج


عندي واحد قريبي كان بدأ مع سنهوري ده في برنامج
كده.. وبعد فترة, شوف عيني دي.. لقيت الشغلة بقت
"مثمرة", تخيل؟ لكن بالسؤال والتقصيَ عرفت إنو الشغلة
ممكن تنجح مع ناس وممكن تفشل مع التانين!
ونحن وحاتك حياتنا دي كلها مع التانيين

اقتباس: المشاركة الأصلية كتبت بواسطة محمد السيالى     [color="Red"][size="5"][b] انت ماتديهو الروشته كاملة باقى حاتم ده ود خرتوم وكده انت ماتقول ليهو ارضع مباشرة من ضرع بقرة وطبعا انت عارف البهيمة لما جناها يرضع منها بتسوى شنو بتنضف ليهو الكاكا بى لسانا اها هنا طوالى حتومه ابو جلحة يقبل بى سراع بى سراع ويديها صلعتو على اعتبار انها .......بالنسبة للبقرة

يا ود السيالي
يا زول علي الطلاق أنا ما عندي أي مشكلة.. أي وضعية
البقرة عايزاها, نحن جاهزين
لكن على شرط, تضمنو لي الجلحات دي تذهب مع الريح
وكده..

اقتباس: المشاركة الأصلية كتبت بواسطة محمد السيالى     لكن يا مجيدو اب شنب هيع هلا هلا انا بقترح انو الصلعة دواها قاااعد عارفنو شنو اوعه تسالونى غايتو انا بقترح عليهو

إنتا براااك عايز زول يسألك..
يا أخوانا مافي زول يسألوا بالله..

اقتباس: المشاركة الأصلية كتبت بواسطة د.محمد تكنه     - المدام ما حتقدر تمعطك (وجه خبيث )

يا دوك
هو أساسا لو كان في مدام نحن كنا شلنا هم كده؟
المشكلة ياخ إنو نحن في منعطف تاريخي خطير..
والوجود بتاعنا كلو مهدد بالزوال..
وربك يجيب العواقب سليمة ويعمي عيونم ياخ..

اقتباس: المشاركة الأصلية كتبت بواسطة Eisa     وندخل بخطى واثقة ..وجواز سفر ناصع ...الى نادي الصلع والجلحات الصغيرة ... :

حبيبنا عيسى
وتوووش كده حنديك منصب الناطق الرسمي ومدير العلاقات العامة

قلت لي أهيئ النفس لحياة "صلعية" طويلة..
ألا ليت التفة تعود يوما.. لأخبرها بما فعلت الجلحات..

اقتباس: المشاركة الأصلية كتبت بواسطة ود قرشي     : حاااتم يا زول ده كلو حنك ببيش شوف ليك طاقيه ابو كسكته وخلاس وابقي رئيس اتحاد الصلع ...

ود قرشي يا أب جلحات
أخطر عدو للإنسان المهدد بالصلعة, هو الكسكتة..
بتساهم بفعالية في "تنضيف" الفروة في أقصر فترة
زمنية ممكنة..
وقد أعذر من أنذر

اقتباس: المشاركة الأصلية كتبت بواسطة د.أحمد الفاضل     وحاااة الله يا كوتش الجلحات دي أخوك والدنوبيها وياها الفينا لي حسي وكان جينا نعرس وفتحو خشم بنوريم صورة الطهور

يا دوك
ياخ والله لقيتك صاااااااابر
يعني من قمت وإنتا عايش الحالة النحنا عايشنها هسا دي؟
غايتو الحمد الله, نحنا استمتعنا شوية بشبابنا

اقتباس: المشاركة الأصلية كتبت بواسطة سودانى مهمش     الاخ العزيز صاحب البوست الظريف انا والحمد لله داخل هنا واسطه لود خالتى والله ود مواليد83 وبعد دا لو شفتا الصلعه اسكت بس اها لما شاف الموضوع قال لى خش لى على الناس ديل واشتغل بالمثل البقول الزول بونسو غرضو اها والزول دا فتر من المجيك ومن الوين والوين اها لحدى ماتلقو ليكم صرفه نخلى الجمل يبول ليهو فيها ههههههههههههههههههههههههههههههههههه

يا مهمَش
ياخ قريبك ده خفَف عني كتييير والله..
مواليد 83 وبي صلعتو؟
صحي والله, البشوف مصيبة غيرو تهون عليهو صلعتو

اقتباس: المشاركة الأصلية كتبت بواسطة د.حاتم محمد حسين     . الرجل الأصلع علي الدوام شخص كريم خطيب غزير الادب والحكمة هادي الطبع يجيد فن التفاوض في الازمان وصاحب حيل وافانين يستحيل على الفريسة النجاة منه كما انه يحب النساء والصيد لحدي هنا كويسين.

حكمة الله, د. فتح العليم ده أنا بحبو ساااااي كده.. لله في
الله..
عليك دينك شوف جرعة المعنويات الفوق دي..
حاجة كده تخلي الزول يحب نفسو زاااااتو ياخ

اقتباس: المشاركة الأصلية كتبت بواسطة د.حاتم محمد حسين     يا حاتم الكلام دا كان في جريدة الصحافة السنة الفائتة , حبيت اقول ليك الجاتك في راسك سامحتك , و الآن الأمر لك اختيار في العلاج المناسب . ( بالمناسبة لو كسرت الجكس بعد الحلاقة و الجلحات و خيروك في بلد المنفى أمشي شاشاميني في اثيوبيا ) لك التحية و لكل مرورك [/color][/size] سلام.[/right]

يا دوك
شاكرين علي جرعة المعنويات التقيلة دي ياخ..
"شاشاميني" دي بقت لي ذي "شاشي كابور" الهندي
داك..
لكن برضو لو لقينا فيها فرصة ما بنقول لأ..

الأخ KOKO ربنا يديك العافية و في جلحات خير دائما انشالله يكون الملتقى.

الأخ حاتم لك التحية و بالمناسبة عندي صور شاشمني حتذكرك ايام (الراستافارى ) يا ابو شعور نبيلة.
دي حاجة سريعة الى الملتقى.
سلام.

تسالونى والله اجاوب براى
وانتو عارفين انو الزول عشان يجاوب براهو بكون شارب شنو

أها ويعيش مع الخيال الواسع يتخيل ليك الصلعة دى فردة جعبتر
والجلحة دى زعطتر
وهو نازل فى كوكب جوبتر

مره واحده راجلا بسطل
أها قام خت السجاره عشان تبرد وكده
اها شالت منها نفس كاااااارب

زولتك عندها شافع صغير بى صلعتو

دايرا ترضعو قامت قلبتو بى ورا ودخلت الحلمه فى مكان الكاكا
الراجل جاء خاشى : يا وليه سجارتى وينا

قالت ليهو انت فى سجارتك والله تعال شوف شلاليف ولدك بقن قدر شنو



عالم سكرانه خلااااث

اقتباس: المشاركة الأصلية كتبت بواسطة hatim..     يا دوك هو أساسا لو كان في مدام نحن كنا شلنا هم كده؟ المشكلة ياخ إنو نحن في منعطف تاريخي خطير.. والوجود بتاعنا كلو مهدد بالزوال.. وربك يجيب العواقب سليمة ويعمي عيونم ياخ..

مع الجكس بتاع اليومين ديل لو بقى وشك في عنقرتك ما عندك مشكلة

اقتباس: المشاركة الأصلية كتبت بواسطة د.محمد تكنه     مع الجكس بتاع اليومين ديل لو بقى وشك في عنقرتك ما عندك مشكلة

كـــــــــــــــــاك يا تكنه يا اخوى
حتومى ده كلمو قول ليهو ده زمن العود
هو ماشاف رونالدو القديم والله شنو

يا اخى عالم مجلحه جلحات

يا حاتم مالك علينا ياخى ...
يعنى الواحد ما يجى المنبر ده تانى ...
خلوها مستورة بس..

وتحياتى ...

اقتباس: المشاركة الأصلية كتبت بواسطة محمد عبد المجيد     ياحاتم ,, سلام تصدق انا قبل عشرة سنوات بس كنت خنفس خنفسة شديدة خلاث اها شوف صورتي قبل النكسة وقارن بالتي هي أحسن عاالم بطااااالــــة

أسمع يا أبو بستلة إنتَ ... إنت قايل نحن طالع لينا قمبور ولا شنو؟؟؟ نحن هنا كلنا صلع

جاى تقول قبل عشرة سنين وجايب ليك صورة ليها تلاتين سنة؟؟؟
دى صور إستديو محمدين... بتتذكروا؟؟؟

لكن صدقت فى قبل النكسة دى ... نكسة 67؟؟


تخريمة:
طلب عضوية رسمى للانضمام لاتحاد أصحاب الصلع ..

اقتباس: المشاركة الأصلية كتبت بواسطة Fatoush     ود ابنعوف, بتاعة النص دي اسمها الغداره, لانك ما بتكون شايفا و بتكون شغاله من ورا في صمت. و هي أسوأ انواع الصلع.

هههههههههههه ....ههههههههههه
لكن دى بالغتك فوكا يا فتوش ...
تعرف كلامك ده صحيح مليون فى المية ....

أنا لحدى الليلة مخلوع من يوم ما اكتشفتها ...
وما تفتكر الموضوع قريب ... من سنين...
وشوفتها فى صورة .... واحد حاقد ... ولا ما عارف يمكن عمل فينى خير...
وقبل كده لأنى ما كنت شايفها كنت بكابر و بقول شعر خفيف وكده ....

لكن هى غدار ساكت .....ههههههه

كامل التضامن مع حاتم ... وأنا وأخى مجيدو البينا اتعرفت...

اقتباس: المشاركة الأصلية كتبت بواسطة Al-amir     أسمع يا أبو بستلة إنتَ ... إنت قايل نحن طالع لينا قمبور ولا شنو؟؟؟ نحن هنا كلنا صلع جاى تقول قبل عشرة سنين وجايب ليك صورة ليها تلاتين سنة؟؟؟ دى صور إستديو محمدين... بتتذكروا؟؟؟ لكن صدقت فى قبل النكسة دى ... نكسة 67؟؟ تخريمة: طلب عضوية رسمى للانضمام لاتحاد أصحاب الصلع ..

يا البرنس يا صلصة يا خطيييير ,, ( وش مقرم )

عرفت كيف انا اتصورت في أستديو محمدين ؟؟؟
أوع تكون أنت الصورتني ظاااطو ,,؟؟؟

أها مستنين نشوف صورتك أنت قبل النكسة
(وتبقى صورتك هى الرؤى الحلوة البعيشها
فى صحوتى ، او حتى فى عز المنام )


:

D

اقتباس: المشاركة الأصلية كتبت بواسطة د.محمد تكنه     مع الجكس بتاع اليومين ديل لو بقى وشك في عنقرتك ما عندك مشكلة

يا دوك
والله حيرَت خيالنا ذاتو..
الله يطمنَك دنيا وآخرة..

اقتباس: المشاركة الأصلية كتبت بواسطة Al-amir     تخريمة: طلب عضوية رسمى للانضمام لاتحاد أصحاب الصلع ..

يا أمير
أديناك العضوية بالإجماع السكوتي..


شكلو كلام مولانا كوكو طلع صاح:
البورد ده ملان عاهات..

صباحاتكم بيوض يا أصحاب (الجنح و

الانحرافات )

اقتباس: المشاركة الأصلية كتبت بواسطة koko123     صباحاتكم بيوض يا أصحاب (الجنح و الانحرافات )

يسعد صباحك يا مولانا ياخ..

شكلو الواحد حيفت أي حاجة ويطلع من هنا نضيف, و
"متصالح مع جلحاتو" وكده..


في بعض المهن والمجالات. إقترنت بالصلعة, زي التدريس والمدرسين مثلا.. ويبدو - والله أعلم - إنو العبد
لله جاتو عدوى الصلعة دي من الفترة المارسنا فيها التدريس - إلى أن تاب الله علينا - ولله الحمد..

أستاذ الرياضيات غالبا ما يكون مصلع, أو مجنون, أو الأتنين سوا!
أستاذنا في الثانوي, أستاذ الطيب, كان عندو صلعة صغيرونية كده, ومعاها كمان "كديسة" على خفيييف, وطوالي سرحان ومهموم ومبهدل, لكن لمن يمسك الطبشيرة, حاجة تانية!
مرة أثبت لينا, بي معادلة, إنو 1 = 1, ورجع تاني أثبت لينا, برضو بي معادلة, إنو 1 لا يساوي 1!
قرب يركَبنا التونسية!

ناس الفيزياء ما بخلو من الصلعة والكديسة!
أستاذ عزت "الحلفاوي" ما كان عندو صلعة, بل بالعكس, كان عامل شعرو زي شعر كمال شداد كده!
لكن للأسف, كان مكشكش رسمي, عشان كده "سقط حجرنا" في الإمتحانات!!
والفيزياء دي بالمناسية, فيها كمية من التعاويذ الشيطانية, والطلاسم ورموز وأسرار العالم السفلي, وهو علم بقوم أساسا على الشعوذة والميتافيزيقيا, عشان كده بتلقى الناس القريبين منو, مفكلبين, نسأل الله السلامة!!
والغريبة إنو أستاذ أسامة جلال, كان عندو صلعة قدر الكتلة, رغم إنو بدرَس أحياء, وهي ما مادة عايزة ليها صلعة يعني, لكن حركااات منو سااي بس..
وعلى عكسو أستاذ مهدي بتاع الكيمياء, ما كان عندو صلعة, رغم إنو الكيمياء مادة حقت صلعة بي جدارة!!
أستاذ برير أو "برة", كان بدرس رياضيات, وما عندو صلعة, لكن فلكب فجأة كده, لحدي ما أضطروا يسفروا لي أهلو في الجزيرة!!

جماعتنا بتاعين الهند ديل عندهم قصص طريفة كده, وناسنا ديل في الغالب بطلعوا من الهند مكرشين "يعني عندهم كرش", أو مصلعين أو الاتنين سوا..
المهم, يبدو إنو واحد من الشباب جاتو حالة نفسية, فأضطروا يقطعوا ليهو تذكرة للسودان, أها وفي محطة القطر والجماعة بودعَو في الحبيب, عاين ليهم كده وقال:
ياخوانا والله الحمد لله, الواحد حيطلع من الهند دي لا مصَلع لا مكرَش!!!


ما عارف ليه إتذكرتا "ود الصايم" و"كرشو" الشهيرة
ديك....

الظاهر كده .......أنو (بوادر ) الصلعة مذهللة بيك

يا زول ما تخاف ... بعد (حتة ) شعر النص

حا يقوم ليك شعر خفيف (زغب) ... دائم

بوضو ما تفرح بيهو شديد

في المرحلة دي ...أي مرحلة (الزغب ) ...أعمل

حسابك من (الصابون) .... قصدي كل استعمالاته

يعني استعمل أنواع معينة في الحمام ... و خلافو

برضو عشان (الزغب)

أصلو الطشاش في بلد العمي شوف

fatoush ياخ بطل دجل فى كلامك عن د سنهورى العالم المحترم انا دا و اخوى و ابوى و عمى عندنا صلع قلنا وراثية جربت كل المستحضرات هنا فى امريكا ما نفع اها د سنورى فى المريديان وضح لى انو مافى شى اسمو صلع وراثى لكن السبب هو الدهون ما بتخلى الغذاء يوصل للبصيلة و الشعر بيتساقط قامو بخو لى البخاخ و شفت بى عينى عن طريق كاميرا فيديو كيف الشعر الجديد بيطلع و اتعالجت و اخوى و ابوى بردو اتعالج كلو كلام د سنورى كلام علمى بحت وانت ما تحاول تنبذ اصحاب العلم اشان تحس احسن عن نفسك لانك اشان توصل لى جزء من علمو لازم ليك تعتكف فى كهف باقى حياتك و الجهل مصيبة و قريب حضرت لى د سنهورى مؤتمر علمى فى امريكا حيث تكلم عن اختراعته و ابهر باقى العلماء من كل انحاء العالم

fatoush ياخ بطل دجل فى كلامك عن د سنهورى العالم المحترم انا دا و اخوى و ابوى و عمى عندنا صلع قلنا وراثية جربت كل المستحضرات هنا فى امريكا ما نفع اها د سنورى فى المريديان وضح لى انو مافى شى اسمو صلع وراثى لكن السبب هو الدهون ما بتخلى الغذاء يوصل للبصيلة و الشعر بيتساقط قامو بخو لى البخاخ و شفت بى عينى عن طريق كاميرا فيديو كيف الشعر الجديد بيطلع و اتعالجت و اخوى و ابوى بردو اتعالج كلو كلام د سنورى كلام علمى بحت وانت ما تحاول تنبذ اصحاب العلم اشان تحس احسن عن نفسك لانك اشان توصل لى جزء من علمو لازم ليك تعتكف فى كهف باقى حياتك و الجهل مصيبة و قريب حضرت لى د سنهورى مؤتمر علمى فى امريكا حيث تكلم عن اختراعته و ابهر باقى العلماء من كل انحاء العالم