السياسة فى السودان .....دعوه للنقاش

السياسة هى فى كل دول العالم : فن الممكن فى بحر المستحيل .....
انا غايتو فاهما بطريقتى ان تقود شعبا من اجل رفاهيته بطريقه ممكنه فى بحر مستحيلا يعنى تحاول مثلا تشوف احتياجات الشعب الضروريه عندها سوف ينقاد لك الشى المستحيل مثلا امريكا وفرت لشعبها الملتزمات الضروريه وتمكنت من الهبوط على المريخ .......

أما فى السودان : فن اللامعقول فى بحر المعقول كيف ؟؟؟؟؟
ده موضوع النقاش

نبدا بشريكى الحكم اولا : الشى المامعقول مثلا ان تطلب قواعدا لك فى من تقتلهم انت
المعارضة :تجلس متكيفة فى مكاتبها وعداداتها جارا وانزلو الى الشارع

مثل شعبى :-
كهربتك اكان زادت بزيدو ليك العداد

تحت المجهر :-
انا مافاهم حاجه انتو فاهمين

اتسائل هل السودانيين لهم المقدرة على التعايش بعضهم مع بعض؟؟؟

الإجابة : من واقع ملامسة الشعب نعم
من واقع سياسى لا

اذن هل نطلق على السودان دولة التناقضات ؟؟؟؟

الحق يقال ان بلدنا هذه غريبة علينا كيف ؟؟؟؟

أغلى ارض تباع فى السودان مع العلم انها فسيحة...
ارخص فاكهة هى العنب مع العلم اننا لانزرعها
مواصلاتها رخيصه مع العلم طول المسافة
مياهها غاليه رغم وجود الانهار
ماتنتجه اراضينا اغلى من المستورد

هل يمكن استخدام عربات الشرطة فى رش البعوض والذباب ؟؟؟؟؟؟؟؟
هل يمكن ان افتح متجرا فى جوبا ؟؟؟؟؟
اين واين؟

حجز مقعد للمتابعة

اقتباس: المشاركة الأصلية كتبت بواسطة koko123     حجز مقعد للمتابعة

كاكاو والله رايك مهم جدا جدا
انا العاوز اتابع انت رجل ما ساهل ابدا فى التحليل
عليك دينك ورينا رايك فى الكلام ده
وان اخطات صححنى

سيايلو ... خايف أقوليك رأيي بجملة صغيرة

بعدين بطنك تطم

الذي يوجد في السودان ... ليس بسياسة

انما (فساد) يمارس بمهجية عالية الجودة

اقتباس: المشاركة الأصلية كتبت بواسطة koko123     سيايلو ... خايف أقوليك رأيي بجملة صغيرة بعدين بطنك تطم الذي يوجد في السودان ... ليس بسياسة انما (فساد) يمارس بمهجية عالية الجودة

ده ياهو كلامى زاااطو
اللامعقول فى المعقول وسوف اعدده هنا
حركاتا كانت ام حكومات
احزابا كانت ام شعب

اقتباس: أما فى السودان : فن اللامعقول فى بحر المعقول كيف ؟؟؟؟؟

يعني تصنع من الفسيخ شربات
او فن المستحيل في الا ممكن

اقتباس: نبدا بشريكى الحكم اولا : الشى المامعقول مثلا ان تطلب قواعدا لك فى من تقتلهم انت المعارضة :تجلس متكيفة فى مكاتبها وعداداتها جارا وانزلو الى الشارع مثل شعبى :- كهربتك اكان زادت بزيدو ليك العداد تحت المجهر :- انا مافاهم حاجه انتو فاهمين

انا مالي مرتاح الماعاجبو يشرب من البحر

اقتباس: اتسائل هل السودانيين لهم المقدرة على التعايش بعضهم مع بعض؟؟؟ الإجابة : من واقع ملامسة الشعب نعم من واقع سياسى لا اذن هل نطلق على السودان دولة التناقضات ؟؟؟؟

دي لا بريدك ولا بحمل براك

اقتباس: المشاركة الأصلية كتبت بواسطة koko123     الذي يوجد في السودان ... ليس بسياسة انما (فساد) يمارس بمهجية عالية الجودة

ود السيالي

سؤالك صعب يا مان

لكن اختصارا ممكن نقول كلام اخونا كوكو صاح



السياسة في الاصل ممارسة عندها علاقة بالاخلاق، تطورت لاحقا وبقت عندها علاقة بالسلطة والقوة. لكن برضو باخلاق.

الاوروبيون مرروا كلمة "السياسة لعبة قذرة" الى بلدان العالم الثالث عشان نكون احنا يانا نحنا، بل افظع، والناس صدقت كده. وكل يوم ماشاء الله زي ما شايف افريقيا كل يوم بتزدهر كيف.

لكن امشي اوروبا ولو كنت شنو شنو داك، بشرشحوك في نص السوق، موش يا حي الله وزير وللا رئيس وزراء، ملك بريطانيا قطعوا راسوا قدام القصر بتاعو.

نرجع للسودان

في مشكلة كبيرة في فهم السياسة عن السياسيين وعند العامة.

اقتباس: المشاركة الأصلية كتبت بواسطة محمد السيالى     اللامعقول فى المعقول وسوف اعدده هنا حركاتا كانت ام حكومات احزابا كانت ام شعب

من غير ما تعدد يا ود السيالي

النظام اليوم في السودان نظام راسمالي شره ونظام بتاع مص دماء.

ما عندك قروش ما بتقدر تشتري كهرباء - كده بس

ما عندك قروش ما بتقدر تدخل وبدك مدرسة - كويسة وللا كعبة - كده بس

عشان كده في الانظمة الرأسمالية، لابد من وجود اليبرالية و حرية التنظيم، عشان المجتمع يكون اجهزة خاصة بيهو تقدر تكبح جماح شراهة الراسماية.

الكيزان ناس ناقشين الفيلم، عشان كده كان اهم حاجة بالنسبة ليهم انو يكسروا النقابات العمالية والطلابية والجمعيات التعاونية، وبقينا قاعدين في السهلة امام غول كاسح واكلنا واكل القدامنا و الورانا.

القصة الفوق دي لمن تستشرى دا البجيب الثورات والحركات المسلحة، يعني الحركات المسلحة ما هي الا نتيجة ومحصلة طبيعية جدا لسياسة البلد.

انا كشخص عادي عندي خيارين اميل لان اعيش في دولة تتمتع باحدهم

1- الليبرالية

بالعدم

2- اشتراكية ديموقراطية (دي الامل فيها ضعيف شوية)


دائما مع النظام الجمهوري،و لا باس بالعلمانية

ومستعد احارب واحمل السلاح في وجه

1- الملكية

2- الديكتاتورية، دائما ما تكون مرتبطة بالعسكرية

3- الدولة الدينية المستبدة

ناس الزاهد طبعا بضيفوا عليها

4- الجلابية البيضا مكوية

اقتباس: المشاركة الأصلية كتبت بواسطة wadballa     يعني تصنع من الفسيخ شربات او فن المستحيل في الا ممكن انا مالي مرتاح الماعاجبو يشرب من البحر دي لا بريدك ولا بحمل براك

والله يا ودبله مافهمتنى تب خصوصا فى حتة البدايه بشريكى الحكم كيف :-
الحركة الشعبية والمؤتمر الوطنى
الحركة تبحث عن قواعد لها بالشمال فى حبن انه يتعذر عيش اى شمالى فى الجنوب وقد نفى سلفاكير هذا الكلام الذى هو واقع حدث هل يمكن ان نسمى هذا اللامعقول فى المعقول

الوطنى يبحث عن قواعد فى دارفور وانت تعرف مشكلة دارفور والطيب سيخه وعلى الحاج وحتى الترابى وحتى عبدالواحد النور زاتو وحتى........ضحايا دارفور هل هذا اللامعقول فى المعقول

حزب الامة قدم جمع ممتلكات المهدى على ممتلكات الشعب برضو ده اللامعقول فى المعقول بحيث الشعب هو الذى صنع ممتلكات المهدى وليس العكس اذن الممتلكات مقدمه مامعقول

الاتحادى التسيد والضيعات وتربية العز فى حين ان الشعب هو الذى سيد ومحافظة على الكرسى تشدقت الخدود بطرا فصار العبيد نحن فى حين اننا نحن من سيدنا اذن نحن الاسياد وفى الغرب السيد المواطن وهنا العكس اذن لامعقول فى معقول

لايفوتك ما تنتجه الارض تفقده على ظهرها كيف ؟؟؟؟
اسمنت عطبره وبيوت الجالوص؟؟
سد مروى وكهرباء الشمالية؟؟
سد الرصيرص وكهرباء سنار؟؟
قطن الجزيرة والتترون الصينى ؟؟
سكر كوستى والرطل بى 1200 فى مناطق انتاجه؟؟
بترول المجلد وبيوت القش ؟؟
مياه النيل والقارورات المعدنيه؟؟
وووووووووووووووووو
هل هذا اللامعقول فى المعقول؟؟

اقتباس: المشاركة الأصلية كتبت بواسطة أحمد ابن عوف     من غير ما تعدد يا ود السيالي النظام اليوم في السودان نظام راسمالي شره ونظام بتاع مص دماء. ما عندك قروش ما بتقدر تشتري كهرباء - كده بس ما عندك قروش ما بتقدر تدخل وبدك مدرسة - كويسة وللا كعبة - كده بس عشان كده في الانظمة الرأسمالية، لابد من وجود اليبرالية و حرية التنظيم، عشان المجتمع يكون اجهزة خاصة بيهو تقدر تكبح جماح شراهة الراسماية. القصة الفوق دي لمن تستشرى دا البجيب الثورات والحركات المسلحة، يعني الحركات المسلحة ما هي الا نتيجة ومحصلة طبيعية جدا لسياسة البلد.

المشكلة يا ود ابنعوف انو انا زاتى بشوف فى عربات فارهه عند شريكى الحكم
والاغرب من كده بشوف عربات فارهه للامم المتحده يركبها سودانيين ينقلون بها الرملة
واغرب الاغرب زاتو الناطق الرسمى باسم المهمشين من حفله لى حفله
واغرب العجب زاتو حتى عبدالواحد نور لقوهو فى مقهى جارى شيشة وناس كلمة مكلومين حتى قريشاتم لملما

والاغرب كتير مكاوى والكهرباء والله الى الان مستغرب

يا اخى انا ماداير اقول قنعته لكن انعدم الوازع الاخلاقى تماما معارضة كان ام حكومة
الكل يلهث الى نفسه فقط باسم الجماهير الروحا طلعت
ولا يوم سمعنا انو فلان ده اتبرع بعمود للجهة الفلانيه
حتى التجار السابقين برضو لملمو قريشاتم عليهم

حتى على مهدى يسافر كتييير من خزينة اتحاد الفنانين والله الممثلين يحضر سينما العرض العالمية ويلملم باقى التذاكر ولا عمل درامى واحد شايفنو

شفته المحن دى كيف
ومازال السؤال ...

هل نحن قوم نمارس الفجور فى الخصومة لا ليس الفجور فى الخصومة

الساسة يمارسون الكراهية ويعكسونها سموما بيضاء لنا باءسم الحرية
وسوف ياتى اليوم الذى عرف فيه اننا نمارس الكراهية
يا ليتها لو خصومة
كراهية بعضنا بعضا

والسبب المنتفعين من الحروبات

الاخ محمد تحية طيبه

لطالما حيرتني هذه الاسئلة التي طرحتها ولم اجد لها اجابة شافية
عندما اقارن السودان بكثير من الدول وقد زرت عدد لا بأس به استغرب لحالنا كيف ونحن نملك جميع مقومات النجاح من موارد طبيعية وبشرية ولا نزال في الحضيض نفتقر الى ابسط ضرورات الحياه اليومية؟؟؟؟؟؟
هل نحن كشعب لم نصل بعد الى مرحلة النضج السياسي؟؟
هل الحكومات المتعاقبه على السودان هي السبب؟؟
نحن في نظري لا نحتاج الى ايدلوجيات عميقة وتنظير فذلك ترف لم نستحقه بعد نحن ما زلنا في مرحلة توفير الخبز والدواء اشياء تجاوزتها الشعوب منذ عقود
للاسف السياسة عندنا صارت هي اقرب طريق للوصول للسلطه والثروة فتحولت من عمل عام لخدمة الشعب الى مهنه خاصة لتحقيق المصالح والطموحات الشخصية

اقتباس: المشاركة الأصلية كتبت بواسطة محمد السيالى     اتسائل هل السودانيين لهم المقدرة على التعايش بعضهم مع بعض؟؟؟ الإجابة : من واقع ملامسة الشعب نعم من واقع سياسى لا اذن هل نطلق على السودان دولة التناقضات ؟؟؟؟

الحبيب السيالي
صباحك وصباح الوطن خير ونعمه

عارف عجبتني جملتك الفاتت

أكيد في فرق بين السودانييين كشعب والسودانييين كمراهقي السياسه الحاليين

الشعب السوداني بالرغم من ضياع كثير منى موروثاته وقيمه الجميله الا أننا مازلنا نحتفظ بالروابط والحاره والفزعه واكرام الجار والضيف واعانة ود البلد في الغربه ودا شي بشهدو لينا بيو جميع الجنسيات

أما المستوى السياسي فأظن بعض نقاشاتنا في المنتدى تفضح كثير من العفن الذي امتلأت به بعض البواطن السوداء والتي تحاول ان تبثه في المجتمع وتجعله مستقبلا سمة للمجتمع السوداني كما هي نداءات العنصريه والقبليه ولإنتقام وجعل الوسخ السياسي قضايا مجتمعيه


ومتابعين معاك

دكاترتنا : تكنة واحمد سوف اعود لكم ومعكم احمد بن عوف فقط اريد ان اتصفح مافاتنى فى المنبر جراء غيابى لعملية ابنى والحمد لله شفاهو الله
لكما التحيه

السياسة هى فى كل دول العالم : فن الممكن فى بحر المستحيل .....

اقتباس: اذن الفرحان اخذ حقا ليس حقه ..........

الاخ / محمد السيال
الاقتباسات اعلاه هي بعض من مداخلاتك :-
و مع أنني لا اريد الخوض من تاني في موضوع أبيي و من هو( الخاسر و الربحان ) او من الفرحان او الحزنان ..
لكنني ابحث عن موقع وخارطة السودان كله من الربح و الخسارة او من الفرحة او الحزن ..
للآسف انني لا اجد السودان كوطن و دولة و شعب في كل هذا الزخم و الخضم .. !!

اقتباس: المشاركة الأصلية كتبت بواسطة ايليا أرومي كوكو     السياسة هى فى كل دول العالم : فن الممكن فى بحر المستحيل ..... الاخ / محمد السيال الاقتباسات اعلاه هي بعض من مداخلاتك :- و مع أنني لا اريد الخوض من تاني في موضوع أبيي و من هو( الخاسر و الربحان ) او من الفرحان او الحزنان .. لكنني ابحث عن موقع وخارطة السودان كله من الربح و الخسارة او من الفرحة او الحزن .. للآسف انني لا اجد السودان كوطن و دولة و شعب في كل هذا الزخم و الخضم .. !!

لا تثريب عليك ايليا
ربما كانت لحظة انفعال منى تجاه الور فقط

فتك بعافية بجيك بكرة لو فضل فيها روح

اقتباس: الذي يوجد في السودان ... ليس بسياسة انما (فساد) يمارس بمهجية عالية الجودة

فساد و حقد ضد الاخر.

اقتباس: المشاركة الأصلية كتبت بواسطة زول واحد     فساد و حقد ضد الاخر.

مشكلتنا من الاخر هذا الان
قلنا فساد كان معروفا منذ المهدية الثانية
التى نطت علينا فى ثوب الآخر
نطت علينا استغلال الذى كان فى قصة ضد الآخر

هل المعارك القبلية التى سادت فى الجنوب برضو كانت ضد الاخر من هو هذا الاخر الان
مع العلم انا اقصد المعارك القبلية بعد انفصال الجنوب فقط
ولمن اراد ان يعرف ممكن ااتى اليه بتوثيق عن ذلك

السودان بلد غريب الاطوار
ينحدر نحو هاوية سحيقة
نضحك على الصومال
والوضع ينذر بالانفجار

اذن ماهو الحل؟؟؟؟؟؟؟؟؟؟؟؟؟

اخونا السيالي
هذه الاسئلة لن يجيب عليها الا ابنك خالد وانداده عندما يبلغون مبلغ الرجال فيتمردوا على نفاقنا وقلة ايماننا وتذرعنا بالغيب للهروب من عالم الشهادة بالكامل، فالناضجين الان لايزالون يمتهنون الدين والعلم لاذلال من لم يفتح الله عليه بحرف ومن لم تساعده نفسياته وظروفه من اداء شعائر صلاة الجمعة بمسجد الشهيد
لك التحية

اقتباس: المشاركة الأصلية كتبت بواسطة علي الأسد     اخونا السيالي هذه الاسئلة لن يجيب عليها الا ابنك خالد وانداده عندما يبلغون مبلغ الرجال فيتمردوا على نفاقنا وقلة ايماننا وتذرعنا بالغيب للهروب من عالم الشهادة بالكامل، فالناضجين الان لايزالون يمتهنون الدين والعلم لاذلال من لم يفتح الله عليه بحرف ومن لم تساعده نفسياته وظروفه من اداء شعائر صلاة الجمعة بمسجد الشهيد لك التحية

اخونا على الاسد
صدقنى هذه الاسئلة لن يجيبها الا من هو داخل جسم الوطن يكتوى بنار الغربة
نحن داخل الوطن نكتوى بنار الغربة كيف ؟؟؟
اطراب النفوس ونفاقها انتجته قيادات النفعجية من فى المعارضة والحكومة .....
لو شتمت الحركة الشعبية ينط عليك المؤتمر الوطنى سجنا
لو شتمت المؤتمر الوطنى ياتيك الحركة الشعبية عذابا
الحركة الاسلامية : مؤتمر وطنى - شعبى - بض الحركات
الحركة العلمانية : حركة شعبية - تنظيمات اخرى

الحاكم والجلاد : حركة علمانية + حركة اسلامية
الضحية : شعب السودان

على الأسد
الموقف السودانى يتبع الموقف الامريكى
تارة مع ملالى ايران واخرى عدوهم
المشكلة : توزيع الاحزاب الى الكراهية بين المواطنين (كل الاحزاب+مؤتمر+حركة)

اذن لنحول السؤال هل الفقر يولد بيئة مثالية ؟؟؟؟؟

اخي السيالي
تحياتي
الفقر حسب اعتقادي واعتقاد السواد الاعظم من البشرية هو عدو الاخلاق والمثاليات اذ قالوا قديما (لا كرامة لجائع) بمعنى ان الجوع - وهو حالة نفسية بالمقام الاول وفيه غير قليل من المادية - هو سبب ترك الحبل على الغارب للرئيس وسير سير ، بالرغم من ان السير ياتي احيانا على جثث العباد ، ورغم ان المواطن يعي جيدا بانه لا يقول ما بفؤاده - حتى هنا بهذا المنبر- فالجوع الناتج عن الشفقة الناتجة عن الفقر هو الذي يتحكم بالامر ، وقد تجد بعض الاصوات التي تغرد خارج السرب وهي محدودة العدد والفاعلية ومنها تاتي نظرية ( الشذوذ يثبت القاعدة) و (لا حكم على شاذ) وهؤلاء النفر القليل هم من يكونوا ما يسمى بالشهداء والطليعيين ووقود الثورات.
تنحصر مهام هولاء في التنبيه ولفت نظر من يختشي من الشرفاء الذين تقودهم زبانية الجوع المفتعل (التجويع)، الى عمق الهوة التي يكونوا بصدد الوقوع فيها.
واذا اردت التعرف الى كيفية تقحب الرجال فما عليك الا بقراءة السير الذاتية الحقيقية لمعظم كوادر الحركة الاسلامية وتتبع مرحلة انتقالهم الى الخرطوم لغرض الدراسة وكيف كانت المواخير المسماة بالبنوك الاسلامية وعلى رأسها بنك فيصل أس الجوع والافساد في السودان يتعامل مع هؤلاء القرويين البائسين ، فهذه البنوك الماسونية كانت تنتقي فرائسها من الطلبة المبرزين وتصرف عليهم تحت ستار حوجتها الى خدماتهم بعد التخرج ، وفي اثناء عملية الصرف (البدون مقابل ظاهريا) تتم عملية التحوير .

الفقر هو مهلكة الكرامة

شكرا اخونا علي الاسد

نبهتني لمسالة البنوك الاسلامية دي امشي اضيفها لباقي العواليق الحايمين في السودان في بوست المنظمات الاسلامية العالمية

اقتباس: المشاركة الأصلية كتبت بواسطة علي الأسد     الفقر هو مهلكة الكرامة

شكرا اخى على الأسد
اذن شعب السودان الآن جائع ....
بمعنى اكثر قربا وواقعا الطلبة فى الداخليات وخاصة طلاب الجامعات المقبولين بواسطة الشهادات السودانية جائعون الآن...

هل تصدق يا على الأسد ان كل شى تنظر اليه ؟؟؟؟؟؟
شوايات الدجاج فى الشارع تقف جوارها يوما كاملا الا لصاحب فارهة يريد ان يغرض سندوتش...
الغريبة صاحب الفارههة المظللة واحد من ثلاث:
1- مؤتمر ضابط
2- حركة شعبية
3- حركة موقعة

على الأسد
من موقع الموج الذى نعيشه تارة تصطدم بواقع الانفصال واخرى بواقع الوحدة ومرة ثالثة تجد نفسك تبكى وفى اخرى تضحك

حقيقة البارح كنت سارحا بالليل فى جيش البعوض وانا احمى ابنى منه وحمانا الله من التلفزيون لعدم الكهرباء التى ابتعدت عنا كثيرا واستمع الى الراديو ابو حجار عن مزايا النحل وان بالخرطوم ثلاثة انواع من النحل وهنالك واحد مهم حايم ساااكت ده يساعد فى وفرت الخضار الى العاصمة بتلقيح الازهار ووووو
عندها ......عرفت ان النحل عند علية القوم افضل من الانسان السودانى الشحاد قليل الحيلة الذى لايحمد التنمية و الللويا والله اكبر كيف ؟؟؟
ليس هنالك رش للبعوض خوفا من انقراض النحل
والتايفود والملاريا مامشكلة
وانا اتذكر لماذا صفوف المستشفيات والمراكز ملانه خلق الله وكلهم صارين وشيهم والرغيف راااقد ؟؟؟؟؟
عرفته تماما المشكلة واوغظتنى دعابات البعوض صديقى وطنين الذباب
وانا اتذكر ان هنالك طائرة هليكوبتر وزعت مناشير لنصرت فلسطين قلته لماذا لم ترش البعوض الذباب أو نحن زاااطنا ؟؟؟؟
عرفته انو الناس تعيا ما مشكلة
بس المشكلة النحل مايموت

من اين اتت هذه الافكار التى ان قلت شيطانية ظلمنا الشيطان زاتو

اخي السيالي
نحن لسنا بأحسن حال منكم ، أضف الى ذلك فنحن نشطح بخيالنا في تقدير مدى الالم الذي تقعون فيه، فتتضاعف الامنا واصرارنا على عدم الاستسلام
وليس لنا الا الاصرار
فمحترفي السياسة لن يتركوا لنا حرف كسرة معهم
والحكومات الخائفة والغير شرعية تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع ... حتى لا يتبقى ما يسد رمق مدرس مثلك او محاسب مثلي او عامل او طبيب فهذه الفئات ليس امامها الا ان تحاول ايجاد وسيلة ضغط تستطيع ان تضمن بها قوتها
فقديما قال المطلوب :
( لا صوت يعلو فوق صوت البندقية)
فمن يشتري الدجاج ورغيف الخبز امامنا فهو انما يجعلنا نكرر قول المسيح عليه السلام:
هذا طعامي كلوه ودمي هذا فاشربوه

اقتباس: المشاركة الأصلية كتبت بواسطة علي الأسد     اخي السيالي نحن لسنا بأحسن حال منكم ، أضف الى ذلك فنحن نشطح بخيالنا في تقدير مدى الالم الذي تقعون فيه، فتتضاعف الامنا واصرارنا على عدم الاستسلام وليس لنا الا الاصرار فمحترفي السياسة لن يتركوا لنا حرف كسرة معهم والحكومات الخائفة والغير شرعية تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع تدفع ... حتى لا يتبقى ما يسد رمق مدرس مثلك او محاسب مثلي او عامل او طبيب فهذه الفئات ليس امامها الا ان تحاول ايجاد وسيلة ضغط تستطيع ان تضمن بها قوتها فقديما قال المطلوب : ( لا صوت يعلو فوق صوت البندقية) فمن يشتري الدجاج ورغيف الخبز امامنا فهو انما يجعلنا نكرر قول المسيح عليه السلام: هذا طعامي كلوه ودمي هذا فاشربوه

نحس معاناتكم والله يا على
هل تصدق انك اذا دخلت السوق بمية الف والف جنيه سواء
وكذلك المستشفى
وكذلك الروضة

نزعت البركة انتزاعا

لو حسبته ميزان المراجعة ووضعت الحكام (حركات + مؤتمرات + توالى احزاب + معارضة) ووضعته المواطن الذى يدعون ادعاء با ءسمه بكفة سوف تجد من حساب الحكومة الى حساب المواطن مبلغ ضخم

ومن حساب المواطن الى حساب الحكومة سالب كبييييييير لن ترتقه عائدات براميل النفط ولا الشعارات البراقة المرفوعة من اى جهة كانت

تحياتى اخى وفتك بعافية

اخي السيالي
لهذا السبب فقط لم نسقط في بئر المعارضة بل رفعنا راياتنا عالية في جميع المحافل الدولية والمتدولنة وبيضاء من غير سوء ، ومكتوب عليها ان حكومتنا تعترض على وجودنا على ظهر الارض ،فالحكومة هي التي تعارض وجودنا، أما ادعياء المعارضة فهم يجتمعون مع الحكومة وينفضون، ولا اثر او بصيص من الأمل في مناقشة وضعنا ككائنات حية.
بالامس مات منا بائع متجول ولم تكلف السفارة عناء مناشدة السلطات المحلية تشديد البحث عن الفاعلين!!
وهو قادم للمساهمة في ارواء حوض الرمل الذي تتحدث عنه ، ودافع جبايات من الطراز الاول (مثلي مثلك) فما هو ذنب ابناءه لعدم رؤية حتى جثمان ابيهم!!!
عفوا اخي ، يختلط الحابل بالنابل عند الكتابة

اقتباس: المشاركة الأصلية كتبت بواسطة محمد السيالى     اتسائل هل السودانيين لهم المقدرة على التعايش بعضهم مع بعض؟؟؟ الإجابة : من واقع ملامسة الشعب نعم من واقع سياسى لا اذن هل نطلق على السودان دولة التناقضات ؟؟؟؟

استاذ محمد السيالى سلامات
اخوى انا اتفق معك فى الاول واختلف معك فى التانى هسى تقدر تفسر لى علاقة العسل ال بين صادق مهدى وعمر البشير وبين مبارك مهدى وصادق مهدى؟؟؟وعلاقة مولانا مرغنى مع الجماعة ديل؟؟؟؟وسلفا وعمر ومنى يقضون ضحكاتهم فى القصر!!وسيالى بسأل عن المعارضة!! بالله عزيزى سيالى انت معارضةبتاعك شكلو كيف؟ انا ما فاهم جماعة ديل يوم يقولو اربعة كبار ويوم بقولو اثنين مشتركين ويوم بقولو ايادى اسرائلية فى دارفور!!! فى ده كله الموطن جارى بفتش فى الدكوة والشطة لتحضير وجبة واحدة فى اليوم!!!بعد ده كله وحدين ما يخافو الله بقولو سياسة الله يكفينا شرهم

اقتباس: المشاركة الأصلية كتبت بواسطة علي الأسد     اخي السيالي لهذا السبب فقط لم نسقط في بئر المعارضة بل رفعنا راياتنا عالية في جميع المحافل الدولية والمتدولنة وبيضاء من غير سوء ، ومكتوب عليها ان حكومتنا تعترض على وجودنا على ظهر الارض ،فالحكومة هي التي تعارض وجودنا، أما ادعياء المعارضة فهم يجتمعون مع الحكومة وينفضون، ولا اثر او بصيص من الأمل في مناقشة وضعنا ككائنات حية. بالامس مات منا بائع متجول ولم تكلف السفارة عناء مناشدة السلطات المحلية تشديد البحث عن الفاعلين!! وهو قادم للمساهمة في ارواء حوض الرمل الذي تتحدث عنه ، ودافع جبايات من الطراز الاول (مثلي مثلك) فما هو ذنب ابناءه لعدم رؤية حتى جثمان ابيهم!!! عفوا اخي ، يختلط الحابل بالنابل عند الكتابة

واختلاط الحابل بالنابل هو مايجعلنى احتار :
هل اكتب عن العطالة
هل اكتب عن المجارى
هل اكتب عن البعوض
هل اكتب عن وعن وعن
ام اكتب عن مشاكل السياسيين الذين يتعلقون بالقناعات وياليتها كلها فى مصلحة المواطن ....بل أغلبها لدمير ساكن راكوبة فى حوش فى نص العاصمة اتقاء السخانة خلى الذى فى البيداء

اقتباس: المشاركة الأصلية كتبت بواسطة خالد امراكنجي     استاذ محمد السيالى سلامات اخوى انا اتفق معك فى الاول واختلف معك فى التانى هسى تقدر تفسر لى علاقة العسل ال بين صادق مهدى وعمر البشير وبين مبارك مهدى وصادق مهدى؟؟؟وعلاقة مولانا مرغنى مع الجماعة ديل؟؟؟؟وسلفا وعمر ومنى يقضون ضحكاتهم فى القصر!!وسيالى بسأل عن المعارضة!! بالله عزيزى سيالى انت معارضةبتاعك شكلو كيف؟ انا ما فاهم جماعة ديل يوم يقولو اربعة كبار ويوم بقولو اثنين مشتركين ويوم بقولو ايادى اسرائلية فى دارفور!!! فى ده كله الموطن جارى بفتش فى الدكوة والشطة لتحضير وجبة واحدة فى اليوم!!!بعد ده كله وحدين ما يخافو الله بقولو سياسة الله يكفينا شرهم

والله يا خالد 98% من الشعب الفضل تخش البيت تلقى الاكل :
1- فطور فول
2- غداء عدس
3-عشاء رطل لبن فيهو جك موية ده للاشتغل يومية سمحة أو صفر كبييير
يعنى تلعب مرات مرات بالخطة
101
او 010
قديما كان الناس يتجرسون من قدوم رمضان
الآن تستعجله الخطى كى تنوع فى اكل الصوانى الخارجة من بيوت الفقراء فقط لان الأغنياء لايخرجون او لايصومون زاطو ما المال مال حرام يعنى الواحد قطع مصارينك بى 5 مليون كهرباء فى العداد يجى يطلعا ليك فى صينيتو
المهم موائد الفقراء التى تطلع مع بعض كالاتى تنوعها :
نعيمية+بليلة+بلح+ويكة بالوانها مع دردمة عصيدة كاااربة وتتلفت للجكاكة تلقى الشفع شربوها لانهم فاقدين سكر ........
غايتو انا الفطور دائما يصادفنى فى سوق ستة
بطيخة بى موز مع الجماعة عليها كسار تلج ساااقطة مع لقمة عصيدة وبليحات

بس المشكلة بتاع البلح ما يقوم يكشو ناس الكشة هو وبتاع البطيخ
عندها عليك بمواصلة الصوم فانه لك وجاء

نتكلم عن السياسة يا خالد لنعرف ياتو بحر دايرين يغطسونا فيهو السياسيين فقط

تحياتى القلبية

اقتباس: المشاركة الأصلية كتبت بواسطة محمد السيالى     نتكلم عن السياسة يا خالد لنعرف ياتو بحر دايرين يغطسونا فيهو السياسيين فقط

يا ود السيالي
شعب كل واحد فيه سياسي قايم بي ذاتو.. وممكن عاااادي يتكلم ليك في أجعص مشكلة.. من غير ما يواجه متاعب في كده..


مشكلتنا إننا "عارفين" أي حاجة ياخ..

اقتباس: المشاركة الأصلية كتبت بواسطة hatim..     يا ود السيالي شعب كل واحد فيه سياسي قايم بي ذاتو.. وممكن عاااادي يتكلم ليك في أجعص مشكلة.. من غير ما يواجه متاعب في كده.. مشكلتنا إننا "عارفين" أي حاجة ياخ..

الرعاع هم قوة عميا ء يا حاتم والمتميزين الذين يتم اختيارهم عميانين كمان برضو فى السياسة , من هنا اى زول بجى ناطى للحكم حتى لو كان ابلد من مشى على ظهرهم وحتى لو كان احمق ....ودى بيجيبا تهافت الببغاوات على التى تردد فقط (الحرية - المساواة ) وهى معانى جميلة لكنها تحرم الشعب من نجاحه وتحرم الفرد من حريته الشخصية التى يكبلها السفلة الناطقين باءسمنا
وبدلا من انصرافنا لجردل الموية المتقطع مشكلته ينظرون الى من يتكلم فى هذا انه من سفاسف الامور فتنتشر الفوضى حتى يصدر كتاب (بنات الخرطوم )

تخريمة:-
لا يا حاتم شعب يجهل السياسة تماما صدقنى وانت النفسك حار (دى ملاحظة فى كثير من المداخلات انا الاحظ الردود كويس يا اخى حاتم وصدقنى برضو بقرا من وراء السطور

فن اللامعقول ......
اقتناع الشعب والحكومة بالجوانب المبهرجة الزائفة فى كل شى , والشعب لايضيع وقته فى البحث عن باطن الامر , من هنا يسهل تمرير اختيار ممثلى الشعب الذين لايفكرون الا فى الملذات (عليكم الله شوفو ساستنا كلهم معارضة والله حكومة)
وهنا يظهر العزر عن مناقشة القوانين وفرض الضرائب وترويض الشعوب على الاعجاب بالمكر والدهاء (الزول ده داهية خلااااس)
والذ حاجة الصحافة
معارضة كانت ام حكومة

اقتباس: المشاركة الأصلية كتبت بواسطة محمد السيالى     واختلاط الحابل بالنابل هو مايجعلنى احتار : هل اكتب عن العطالة هل اكتب عن المجارى هل اكتب عن البعوض هل اكتب عن وعن وعن ام اكتب عن مشاكل السياسيين الذين يتعلقون بالقناعات وياليتها كلها فى مصلحة المواطن ....بل أغلبها لدمير ساكن راكوبة فى حوش فى نص العاصمة اتقاء السخانة خلى الذى فى البيداء

اخونا السيالي

العوض والمجاري دي اعراض لبلادة مسئول المحلية او بتاع البلدية

احنا مشكلتنا زي نا قلت ليك في الـ Basics

مشكلتنا انو الناس مفروض تعرف انو السياسيين لا يمثلون الدولة


وان لا حل يرتجي من الخارج

يا الناس تتفاهم مع بعض، يا يبقى الحال ياهو الحال

اقتباس: المشاركة الأصلية كتبت بواسطة أحمد ابن عوف     اخونا السيالي العوض والمجاري دي اعراض لبلادة مسئول المحلية او بتاع البلدية احنا مشكلتنا زي نا قلت ليك في الـ Basics مشكلتنا انو الناس مفروض تعرف انو السياسيين لا يمثلون الدولة وان لا حل يرتجي من الخارج يا الناس تتفاهم مع بعض، يا يبقى الحال ياهو الحال

تعرف يا ابو حميد فى حاجة مهمة خلاس بقولا ليك جيب اضانك يا مان وهى :

تشجيع الحكام بحب الترف من اغتناء السيارات والهاء الجماهير برضو كى تنصرف عن القضايا الرئيسية
اى ان الحكام الذين :
1- يصرفون المال فى بناء الدور العالية واقتناء السيارات الفارهة واعطاءها الى مراهقينهم والاهتمام بنعومة البشرة
وجلب النساء للمعاونات لهن فى الخدمة والانشغال بالتبذير وشغل الشعب عن مطالباته الاساسية .
2-ممارسة الكذب على الشعب والهائه ببذر بذور الفتنة والشقاق بينه
3- المعرضة التى تكون من المعارضين فى الظاهر ويدينون بالولاء فى الباطن يكون دورها جذب المعارضين (توجد نماذج) ليسهل التعامل معهم

ود ابنعوف يا اخوى القصة اتعرفت تب كان معارضة كان حكومة ........
فضل آخر السيناريوهات اقولو ليك بتقتنع

اقتباس: المشاركة الأصلية كتبت بواسطة محمد السيالى     فضل آخر السيناريوهات اقولو ليك بتقتنع

جيب العندك

لكن انا تاني مشروع مافيهو كاسوري ما بشتغل بيهو

اقتباس: المشاركة الأصلية كتبت بواسطة أحمد ابن عوف     جيب العندك لكن انا تاني مشروع مافيهو كاسوري ما بشتغل بيهو

سوف ترى العلم

أو

أو

اقتباس: المشاركة الأصلية كتبت بواسطة محمد السيالى     سوف ترى العلم أو أو

ود ابنعوف مالك يا اخى مرقته طوالى وكتبتا شتات
كاااااااااااااااك يا اخى ما تخلينى اتم الكلام
والله لو داير بكرة الحا يحصل شنو بوريك يا اخى

الشغلة دى بقت وااااضحة كان معارضة كان حكومة
دى سياسات مرسومة يا مان

ود السيالى يا خطييير
نحنا متابعييين من قريب
وين الشعب وين
لكن في ناااس كدا ويين ,,,

اقتباس: المشاركة الأصلية كتبت بواسطة ود قرشي     ود السيالى يا خطييير نحنا متابعييين من قريب وين الشعب وين لكن في ناااس كدا ويين ,,,

الشعب سوف يتجه الى خمسة جهات (صومال - عراق - أفغانستان - رواندا - تشاد).......

اما حكامنا معارضة او حكومة فقد وضعت لهم خطه بس ماتسالنى تقول لى الوضعا منو والنفذا هنا فى السودان منو والله يا ودقرشى فى البلدان دى لو ماشاهدت صلاة جنازة على سودانى خدم ب إخلاص
(ايران - أمريكا - اسرائيل - القاعدة ) انا ما ابقى السيالى

التقت المصالح (الايرانية والامريكية والاسرائيلية والصينية كمان وسوف تجذب القاعدة برضو ) على نشر الفتنة الطائفية في السودان تحت مسميات عدة سوف اعود لها بالتفصيل

هسع عليك دينك المعارضة خليها كدى النمسك ليك الحكومة بس ...وين النفرة الزراعية مش عبدالحليم المتعافى وزير زراعة ....طيب لماذا تقدم الصناعات على الزراعة رغم اننا بلدا زراعيا مية بالمية .........

طيب وين اموال بنك النيل فى الجنوب ؟؟؟؟؟؟؟؟؟؟؟

طيب لماذا يجمع عبدالواحد النور اموالا من المعسكرات ؟؟؟؟؟؟

كويس ....هل يجب لفت الشارع الى اختلافات الشريكين وانتصارات المعارضة وخذلان مابعرفو شنو

يوم واحد فى زول جاء هنا قال الموية قاطعة مالا فى قرية النسوها الناس ليشنو...........

ود قرشى يا اخى انا ماشى اخد لى راحة والله
يا ود قرشى هنالك الف حادث وحادثة لو مسكتها بالتفصيل وقارنتها ليك بكلام مكتوب قديما بتلقى السودان ده متجه فى نفس الخط المرسوم له بعناية فائقة بل الاكثر حيرة اننا كشعب كااامل نسير سيرا حثيثا بواسطة مدعى الثقافة عندنا وكانهم مأجورين ويقبضون ثمنا لذلك.....
والغريبة هنالك تشويه كامل للدين من قبل النقيضين كمان ؟؟؟؟؟

طيب لماذا تقدم الصناعات على الزراعة رغم اننا بلدا زراعيا مية بالمية .........

أرفع لك القبعة عاليا

التقت المصالح (الايرانية والامريكية والاسرائيلية والصينية كمان وسوف تجذب القاعدة برضو ) على نشر الفتنة الطائفية في السودان تحت مسميات عدة.

طالما فينا من هو مثلك فلن يجدوا لهم ميدانا في السودان
فمشكلة الصوماليين هي قلة المتعلمين بينهم فالصوماليين قلوبهم حارة ولكن لا يدركون تفاصيل ما يحاك لهم في الخفاء فهم يستبسلون في القتال فقط شأنهم شأن الافغان ولكن لا يحللون اسباب القتال والافغان يقولون ان الامبراطورية الصينية القديمة ، والاتحاد السوفيتي الامبراطورية الشرقية الحديثة اضافة لامبراطورية الغرب أمريكا يجب ان تتحطم في افغانستان وهذا شأنهم وتلك قضيتهم وان كانت اكثر من دونكيشوتية في رأيي
والعراق وفلسطين دول تخلت عنها شعوبها بحثا عن رغد العيش .
أما نحن فان حكومتنا تمثل الرعاع الذين يأتون للبلاد بكل تدخل اجنبي مجحف بحق الارض والانسان وشعبنا يمثل الحصانة ورجاحة العقل فاذا تمادت الحكومة في السير في هذا الطريق فان الشعب لا محالة سوف يطمرها كما طمر غيرها من الديكتاتوريات
وهم يتمادون ونفس الشعب في الصبر يتقاصر حتى تأتي ساعة الصفر والتي هي معروفة للشعب السوداني الشبيه بمملكة النمل والتي تتحرك بالاستشعار فليس هنالك من يضع جدولا او يحدد موعدا
لك التحية ود السيالي على هذا التحليل العميق

اقتباس: وشعبنا يمثل الحصانة ورجاحة العقل فاذا تمادت الحكومة في السير في هذا الطريق فان الشعب لا محالة سوف يطمرها كما طمر غيرها من الديكتاتوريات وهم يتمادون ونفس الشعب في الصبر يتقاصر حتى تأتي ساعة الصفر والتي هي معروفة للشعب السوداني الشبيه بمملكة النمل والتي تتحرك بالاستشعار فليس هنالك من يضع جدولا او يحدد موعدا لك التحية ود السيالي على هذا التحليل العميق

دا نوع الكلام البقيت احب اسمعه

تحياتي يا ود الاسد

التحية لك اخوانى على الاسد وودابنعوف

ويا على الاسد من خلال كتاباتك لو قراء الناظر خلف سطورها انت الذى وصلت الى هذه الحقائق قبل الجميع تماما
ومن خلالها ومناكفاتك لاتقل اننى امر عليها مرور الكرام لا يا على أخوى انها تحكى واقعا مرا تعريه انت بمنطقك السيف البتار جزى الله عنك وطنك خيرا لهذا اخى
فقط كان لابد منا للتاكد تماما من نشرات الافراح والاتراح على شلو الوطن الذى يعمل مثقفيه بغباء على تفتيته
والقراءة واضحة بالجنوح خطوة قليلة سيعرف المغيبة عقولهم بداءات الفتن ماذا نعنى

الا ترى معى حقيقة (على وعلى اعدائى الشهيرة)

ويا على الاسد يا اخى ناتج الزراعة يصب فى مصلحة المواطن مباشرة او قل يصل الى ابن آدم من شتى بقاع المعمورة مباشرة ولكن
لاحظ ولكن اين يقع ناتج وعائد الصناعة ؟؟؟؟؟؟؟؟؟؟ ده سؤال للمختصين هنا

بجيكم راجع هسع

ود ابنعوف هل يمكن ان تسالنى ما الذى يمارس فى السودان الآن أو منذ استلام الذى سوف يصلى على موته فى كافة بقاع المعمورة انه منهم وما هو مننا ؟؟؟؟ اتوجه لك بالسؤال والى كل القارى

اقتباس: المشاركة الأصلية كتبت بواسطة محمد السيالى     ود ابنعوف هل يمكن ان تسالنى ما الذى يمارس فى السودان الآن

ود السيالي

ما يجري في السودان الآن لا علاقة لنا به نحن كسودانيين

كل مجموعة سياسية وجدت ان اقصر طريق لتثبيت حقوق "وطنية" ويا للمهزلة هو بالمتاجرة بنفس القضايا الوطنية بالخارج.

ارتهن السياسيين كلهم، معارضة على حكومة للعامل الخارجي وهاك يا تسويق القضايا السودانية في سوق النخاسة الدولي.

وهذا لن ياتي بخير وان لم ياتي بمزيد من الشرور.

اقتباس: المشاركة الأصلية كتبت بواسطة أحمد ابن عوف     ود السيالي ما يجري في السودان الآن لا علاقة لنا به نحن كسودانيين كل مجموعة سياسية وجدت ان اقصر طريق لتثبيت حقوق "وطنية" ويا للمهزلة هو بالمتاجرة بنفس القضايا الوطنية بالخارج. ارتهن السياسيين كلهم، معارضة على حكومة للعامل الخارجي وهاك يا تسويق القضايا السودانية في سوق النخاسة الدولي. وهذا لن ياتي بخير وان لم ياتي بمزيد من الشرور.

ما دا زااااطو مع زيادة كلام انا داير اوجهه لنا كشعب
اوريك النتيجة النهاية يا احمد والله اسكت

لنتيجة النهائية يا ابوحميد ويا ايها القارى الكريم والمراد الوصول اليه هو
موت النظام
وعجز الشعب

كيف ؟؟؟؟؟؟؟؟ اودليلك .....
الشواهد كثيرة على ذلك وسوف وريكم حتى من كتابنا من الذى يسير لهذا المخطط الاجرامى الذى ينفذ بعناية فائقة سواء ان كان فى العلن او بواسطة ناس مخفيين

( زرقة - عرب - افارقة - حزب فلان - حزب علان - تنظيم مابعرفو فلان - منظمة فرتكان - جيش (1-2-3-4-5-00000000) - الحرية - الديمقراطية - الشمولية - المساواة - اثنيات - وووووووو موت كل من يحيد عن فكرة خدمة الشعب فجاءة - تشاد - مصر - ليبيا - يوغندا - كينيا - ارتريا - اثيوبيا - أمريكا - فرنسا - (صاحبة الجلالة للحاكم القادم على الأرض وهو المسيخ الدجال )-بوكو جلابة)

ما هى الدلائل على ذلك من واقع حكام ومحكومين :-

هل يستطيع احد ان يفسر لى :-
1- انتشار المذهب الشيعى الديمقراطى الغربى الافغانى فى السودان مع رؤية اشعاعات مفاعل ديمونة؟؟؟؟
2- بالله فسر لى زيادة قيمة عداد الكهرباء والسكوت على الفلل ومشروعية قلع المواطن من منزله قلعا ونزع الايصال من سائقى الحافلات نزعا واصدار القوانين الرادعة التى لا تصاحبها تخفيضات فى اى شى
3- فسر لى اختلاسات الاموال فى الجنوب رغم نكران البعض هنا لها وعدم التصدى لمثل هذه الانتهاكات التى تضر بحياة المواطن ورغم اعترافات قادة الحركة بذلك وعلنى لم يفتح الله باحد ببوست واحد لذلك....ومن جراء هذا يقع الناس فريسة تحت ضغط جيش الرب وغيره ويموت الكثير
4-هل يستطيع احد ان يفسر لى باى منطق كيف لعبد الواحد مثلا ان يلم قريشات من ناس المعسكرات...
5-كيف تفسر لى تشاد مصر ليبيا ارتريا افريقيا وموسفينى الذى يطلق صيحات سمعناها كثيرا هنا والله استغربته عندما نطقها بنفس اللهجة دون زيادة او نقصان ولم اعرف هل مليت له ام هو الذى املاها
منذ القدم تتراحل الفرقان من الذى وضع المخطط لفصل دينكا نقوك وهم من بنى الانسان مع المسيرية وهم من بنى الانسان على ان لاتاكل بهيمة هذا مع ذلك رغم ان الوصية فى الرفق بالبهائم ؟؟؟؟؟؟؟؟؟؟ وهل الارض لا ارض الدينكا والمسيرية حسب شواهد التاريخ ؟؟؟؟ من الذى يخطط لذلك ؟؟؟؟؟

اذن كلنا فلنتجه الى جبل ارارات حيث سفينة نوح تلك هى الارض التى يشترك فيها الكل ؟؟؟؟ شى عجيب خلااااس



والشواهد كثيرة كما ان شواهد القبور كثيرة جدا

مرحى لكم ايها الحالمون أخاف ان يكون الجلبى من زمالكم غدا
اما رايتم كيف تباع العهود فى اقرب لفة

علم بس يرفرف فوق ويذهب المساكين الناطقين باسمهم الى ويلات الجحيم فقط

سوف اواصل فى وضوح المخطط

مداخلة اخى على الاسد الفوق دى عميقة جدا جدا
الزراعة ناتجها يصب فى مصلحة المواطن او البنى آدم مباشرة يعنى لو زرعته قمح فى امريكا ناتجه ياتى الى المواطن مباشرة ولكن ....الصناعة ناتجها اين يذهب ؟؟؟؟؟؟؟
ومن المستفيد من نشر فتات الاتكاءة على عصى التفرقات؟؟؟؟؟؟؟

ود الســـــــــيالي


شايف دايس دوس شديد يا زول

اقول لك ما يلي:


السياسة في السودان زي شروط الصحة عند
ادم سيد الدكان...

اقتباس: المشاركة الأصلية كتبت بواسطة amin_bushari     ود الســـــــــيالي شايف دايس دوس شديد يا زول اقول لك ما يلي: السياسة في السودان زي شروط الصحة عند ادم سيد الدكان...

كــــــــــاك
يعنى نسكت نبلع ساااكت

والله يا امين المزارعيه بقو بعدد اصابع اليد الواحده

تصور
لازم يكون عندك عربة بك اب

والصناعة تمشى وين الله تعلم على قول ادروب

يعنى البترول ده لا شايفنو معكوس حركتا شعبية ولا موتمروطنى

تفرح بالسد بجاى يجيك مكاوى بجاى

تفرح برفع عقوبات الاهاب بى جاى يجيك باقان طاير بجاى

والله حالة اخير نرجع للبنقو

حزب (ما بوكو بنقو) حد معاى

اما الكهرباء وروروووووووك
جنس قروشا
وعائدات البارات برضو ما عارفين بتمشى وين

غايتو محن تمحن

شعب يتكى على حكومات ومعارضة تتكى على عصا الاستعمار
هل تخرج دابة الارض لترينا ان هذه الحكومات ميتة تماما لحال الشعب والدليل : كهربتو ايصالاتو

وفى الجنوب فرد يوم سمعتو بى ناموسيات الى اطفال يامبيو

او مياه انا اعرف ملوحة ارض بعض الجنوب

المسالة واااضحة وهاكم المحكمات دى

ود السيالي
قلت ليك فوق إنو مشكلتنا إننا عارفين أي شي.. والدليل إنو السياسيين الكبار في البلد:
- شيخ حسن
- الإمام السيد الصادق المهدي.
- السيد محمد عثمان المرغني
- الأستاذ محمد نقد

أي واحد من ديل مستحيل يجي يقول ليك أنا مستقيل عن الحزب وعن السياسة لأني إرتكبت أخطاء في حق البلد دي.. ولا في واحد بسمح ليهم بي كده أصلا, شوف الألقاب الماسكين فيها دي, تعرف الحاصل كلو..
وده رغم إنهم كلهم أخطأوا وأخطائم ظاهرة ذي الشمس..
لكن المشكلة في الذوات الفانية.. وفي الناس البتطبل ليهم من تحت.. وبترفعم درجات ما بستاهلوها..

ديل يا مولاي ناس عارفين كل حاجة.. والمعرفة المطلقة دي بتخليهم ينظروا للتانيين كأنهم حشرات.. حاجة كده ما تسوى شي.. وبالتالي تُداس بالجزمة القديمة عند أول خلاف.. والشواهد برضو كتيييرة..

أها, تلاميذ الجماعة ديل قاموا بي نفس المفاهيم.. والنتيجة ستين حزب!
ستين حزب قصاد أربعين مليون مواطن.. تخيل؟؟

ولجهلنا بالسياسة, دايما بنربطا بالتعليم العالي.. والدليل كمية الدكاترة والمفكَرين في حكوماتنا السنية.. وبالمقابل شوف السياسين في الدول التانية..
شوف ريقان, كلنتون, بوش, بوش, لحدي أوباما..

والكلام الذي ده بحرَق الحشا ياخ, وبورمَ الفشفاش..







وبعدين يا ود السيالي ياخ, أنا زول بالي سلبة والله, ونفسي بارد تلج..

اقتباس: المشاركة الأصلية كتبت بواسطة hatim..     ود السيالي قلت ليك فوق إنو مشكلتنا إننا عارفين أي شي.. والدليل إنو السياسيين الكبار في البلد: - شيخ حسن - الإمام السيد الصادق المهدي. - السيد محمد عثمان المرغني - الأستاذ محمد نقد والكلام الذي ده بحرَق الحشا ياخ, وبورمَ الفشفاش.. وبعدين يا ود السيالي ياخ, أنا زول بالي سلبة والله, ونفسي بارد تلج..

نسيت ناس كتااااار
ماقلته ليك نحن ماعارفين اى حاجة

ده الظاهر اذا اخذت واحد بس من الفوق ديل هو مدبر الوضع تماما

ككــــــــــــــــــاك

ومن يعرف ويتجاهل فقد خدع

تخريمة:-
وعينة اخرى من الشعب قليلة تحوز بالمعرفة عن حقيقة الواقع المر للنفوذ العالمى المدار بعناية الرئيس (مجهول)
المنفذون (ايران - امريكا - الصين - عصبة الامم - الامم المتحدة للمصلحة )
المشروع (تفتيت الشعب الذى يعرف وقتل يانع الشجر , هل فى صفرة للطلاب فى الجامعات)
النتائج (تصدير الاف من المواد الخام من الارض البكر , وحجز المياه )
الطريقة : انظر حولك وما تتكلم عن الايصالات

ما لى ارى سكوتا شديدا




خلاص ابطل الكلام ده

اقتباس: المشاركة الأصلية كتبت بواسطة محمد السيالى     نسيت ناس كتااااار

ود السيالي
الناس الكتاااااار ديل لو ركَزت فيهم حتلقاهم متفرعين من الأربعة ديل..

نظريات المؤامرة دي أنا ما قادر أبلعا ياخ...
ودايما بخيل لي إنو الناس بتحاول تغطي فشلا بإنها ترميهو في التانيين..
التانيين ديل لو ما لقونا نحن حمام ميت ما كان دخلوا أساسا وإتدخلو في شؤونا.. ولا شنو؟؟؟

الإستقرار السياسي في الدول غالبا بقوم على تجييش عواطف الشعب ضد عدو موَحد!
في مصرمثلا الشعب بختلف على أي شي.. إلا كراهية إسرائيل.. يعني ممكن في لحظة الحكومة تحشد الشعب كلو وراها ضد العدو المشترك والواحد ده..
في السودان ما عندنا عدو مشترك.. كل واحد شايت بي جهة..
حاول الكيزان يحشدو الناس ضد أمريكا روسيا قد دنا عذابها.. فشلو
حاولو يحشدوهم ضد قرنق ونظرية قهوة في المتمة, فشلو..
وبحاولو هسا يحشدوهم ضد تشاد والغزو الأجنبي.. وحيفشلو..
لأنهم دايما بركَزوا على جزء من الناس عشان يحشدوهو ضد الجزء التاني!
وحتى المعارضة.. والمفروض إنها تكون موحدَة ضد الإنقلابيين العساكر.. ما موحدَة ضدهم بقدر ما هي موحدَة ضد بعضها البعض.. وبكل بجاحة متفائلين بالنصر!!!


أنا ذي الشايت غلط كده.. لكن بصراحة كلامكم الملولو ده صعب علينا ياخ,
فسَر أضح أبن.. أو كما قال خليفة خلف خلف الله خلف خلاف المحامي

ود السيالي سلام :: سؤالك عن النفرة الزراعية ذكرني قنيف ونجوم الانجاز ...لو تذكر قنيف عندما كان وزير للزراعة حاز علي نجمة الانجاز ثلاثة سنوات متتالية دون اي انجاز ولقد فضح ذلك الصحفي عبدالله عبيد في عموده قلب الشارع عندما نشر بيانات من واقع المشاريع توضح ان الرقعة الزراعية في عهد الاحزاب كانت اكبر من عهد الانقاذ بمراحل كبيرة وان النهضة الزراعية القنفية ماهي الانهضة اعلامية ( وكذلك النفرة الزراعية ) وبسبب هذا العمود تم اقالة قنيف وكان عنوان العمود قنيف نمر من ورق ...وبعدين ما اكدت لينا معلومة الفكي واموال المعسكرات ... وما وضحت لينا العلم الوانو شنو وكم لون ؟؟؟ تعرف نحن خايفين انو يكون ناس بوكو حرام تم تموينهم من مال البترول السوداني

ود السيالي سلامات,

أول مره أشوف الشابي بيكتب بره البوست بتاع السقوط.

اقتباس: المشاركة الأصلية كتبت بواسطة elshaapyelthoory     ود السيالي سلام :: سؤالك عن النفرة الزراعية ذكرني قنيف ونجوم الانجاز ...لو تذكر قنيف عندما كان وزير للزراعة حاز علي نجمة الانجاز ثلاثة سنوات متتالية دون اي انجاز ولقد فضح ذلك الصحفي عبدالله عبيد في عموده قلب الشارع عندما نشر بيانات من واقع المشاريع توضح ان الرقعة الزراعية في عهد الاحزاب كانت اكبر من عهد الانقاذ بمراحل كبيرة وان النهضة الزراعية القنفية ماهي الانهضة اعلامية ( وكذلك النفرة الزراعية ) وبسبب هذا العمود تم اقالة قنيف وكان عنوان العمود قنيف نمر من ورق ...وبعدين ما اكدت لينا معلومة الفكي واموال المعسكرات ... وما وضحت لينا العلم الوانو شنو وكم لون ؟؟؟ تعرف نحن خايفين انو يكون ناس بوكو حرام تم تموينهم من مال البترول السوداني

لله درك من شاب ثورى
هل لاحظت اخى الثورى فى مشروع سندس الفاشل على حساب مشروع الجزيرة
بدلا من استثمار اموال المغترب ى دعم مشروع مضمون ابى الاحلاف علينا الا ان تتوقف المشاريع التنموية ......

مشاريع كثيرة ماتت (كلى - القاش مابعرفو شنو)
هل لفشلها ؟؟؟؟!!!!
هل للموضوع علاقة بالماسكيت ؟؟؟
من جهة نظرى الشخصية (أقبل النقد) ان شجرة المسكيت ماهى الا دفن نفايا عندنا كيف (الشعب يدرى ولايدرى)؟؟
معلوم ان مصانع العالم تنفث كميات من الدخان وان خلاصة الانتاج تقع فى ايدى عظماء الارض اما الملوثات نتقاسمها سويا اذا كيف نعادل سموم الهواء ؟؟؟ بالغطاء النباتى.......
ماهى الشجرة القادرة على العيش فى كافة البيئات حتى فى الصومال؟؟؟ المسكيت

اذا فلتجف ينابيع الماء من اجل ذلك ....

اقتباس: المشاركة الأصلية كتبت بواسطة Fatoush     ود السيالي سلامات, أول مره أشوف الشابي بيكتب بره البوست بتاع السقوط.

الصديق فتوش

غايتو بث غايتو
عالم ما تريح ابدا ... وكمان بتحب الشمارات
والله حبينا نسلم عليك ايها الرائع فتوش
وطولنا ما شفنا ليك بوست؟
لعل المانع خير؟
غايتو السيالي قال متضامن مع المدام
حبـــــينا نســــــــــلم عليك ونقول مشتاقين
كن بالف خير

اقتباس: المشاركة الأصلية كتبت بواسطة hatim..     ود السيالي نظريات المؤامرة دي أنا ما قادر أبلعا ياخ... ودايما بخيل لي إنو الناس بتحاول تغطي فشلا بإنها ترميهو في التانيين.. التانيين ديل لو ما لقونا نحن حمام ميت ما كان دخلوا أساسا وإتدخلو في شؤونا.. ولا شنو؟؟؟ أنا ذي الشايت غلط كده.. لكن بصراحة كلامكم الملولو ده صعب علينا ياخ, فسَر أضح أبن.. أو كما قال خليفة خلف خلف الله خلف خلاف المحامي

ما انت فاهم اى حاجة يا اخ....اها ورينا نحن قرويين جرب ساكت يا اخ مدعين معرفة بث بنكتب كلام خارم بارم ساكت.....
الكلام الحار ما بندار يا اخ......
اما الكلام الملولو ده لقيناهو عند اولاد الخرتوم مع زيادة ميوعة كده (كيف معاك كتاب بنات الخرتوم وسنتر الخرتوم والسهر بالكوم )

اما قصة نظرية المؤامرة الما قادر تبلعا دى , غايتو نحن بلعناها واقعا ملموسا تماما ...........
والناس الكتااااار , بريدو البذار .....
تعال النشوف ليك واسطة ....


تخريمة:-
1- نشر الشك والسخرية والاستهزاء عن مجافاة الحقائق
2-التصغير من مجالات التعاون التام وتنفيذ السياسات اللامعقولة لتهيئة العقول للتعلق بالاسباب
3- نشر الرزيلة وخاصة فى الصحف (شوف الجرائم المنشورة فى صحفنا) والمجاهرة بالسؤات علنا حتى يتهى العالم ان لامناص بد من التغير لشعب الملوك .
* زيادة افساد الحكام .
*وضع اسس الاقتصاد العالمى على اساس الذهب ,وانه اقوى من الانتاج والثروات الاخرى (ايليا تعال هنا شوف التنقيب دا منذ متى )
* احداث الازمات الاقتصادية على الدواااام واشغال الناس فى التكسب اليومى على طووووووووووووووول

اهم حاجة هى نشر الاشاعات قبل اتخاذ القرارات التى تهدد راحت الفرد

فتوش يا اخى والله عندى ليك خبر مهم وبشارة سمحة خلاث انت وودقرشى 4:30 مساء

اما الشاب الثورى لله دره يا اخى
البوست ده واااااضح الا من ابى ......
الحكومة والمعارضة تتسابق سباقا الى اهلاك الشعب
وبس

تحياتى
امينو بى هناك فى زول بفتش ليك شدييييد يا اخى اديهو طلة صغيرة وتعال

ود العم السيالى

متابعيين

فتوش وييينك يا مان

اقتباس: المشاركة الأصلية كتبت بواسطة محمد السيالى     تخريمة:- 1- نشر الشك والسخرية والاستهزاء عن مجافاة الحقائق 2-التصغير من مجالات التعاون التام وتنفيذ السياسات اللامعقولة لتهيئة العقول للتعلق بالاسباب 3- نشر الرزيلة وخاصة فى الصحف (شوف الجرائم المنشورة فى صحفنا) والمجاهرة بالسؤات علنا حتى يتهى العالم ان لامناص بد من التغير لشعب الملوك . * زيادة افساد الحكام . *وضع اسس الاقتصاد العالمى على اساس الذهب ,وانه اقوى من الانتاج والثروات الاخرى (ايليا تعال هنا شوف التنقيب دا منذ متى ) * احداث الازمات الاقتصادية على الدواااام واشغال الناس فى التكسب اليومى على طووووووووووووووول اهم حاجة هى نشر الاشاعات قبل اتخاذ القرارات التى تهدد راحت الفرد

ود السيالي
النقاط الفوق دي كأنها بتوصف النظم الرأسمالية.. وذراعها القويَ, العولمة!
يعني ممكن تلقاها في أي ركن من أركان الدنيا دي, وبي نفس التفاصيل..

شايفك في الكوت الفوق ده مكَبر لي "اللولوة" دي كمية من المرات..
ياخ ما عشان أفهم معاكم كمان.. ما تخلوَنا كده برة الزفة؟

اقتباس: المشاركة الأصلية كتبت بواسطة hatim..     ود السيالي النقاط الفوق دي كأنها بتوصف النظم الرأسمالية.. وذراعها القويَ, العولمة! يعني ممكن تلقاها في أي ركن من أركان الدنيا دي, وبي نفس التفاصيل.. شايفك في الكوت الفوق ده مكَبر لي "اللولوة" دي كمية من المرات.. ياخ ما عشان أفهم معاكم كمان.. ما تخلوَنا كده برة الزفة؟

حاتم يا حبيب تحياتى

المؤتمر الوطنى والحركة الشعبية يعملان ل أمريكا

ويد التنفيذ هنا اوغندا

بالواضح هنالك نافذون فى الحكومة من الشريكين يعملون مع C.I.A

وصفقة اغتيال الراحل قرنق كانت واضحة جدا

وشيخ الترابى شالوم عليهو
وتلميذو على عثمان طه حتى يثبت برائته
والذى باع ارضا للمستثمر الامريكى فى الجنوب
والفات الفات بى ليلو

والفاتحة على الشعب الفضل
وبث

انا كل يوم بجي بي جاي لكن بتحاشا البوست دا عشان عارف انو موضوع سياستنا السودانية ...
مشربكة شربيكة شديده خالص خالص ...
بديناها مع ابن الجوزي حيث(ان السياسة كيفية ادارة شئون العباد بما يحقق العدل بينهم ويوفر لهم سبل العيش الكريم)
لكن شكلنا كدا ماشين علي صاحبنا ميكافيلي(the end justifies the mean)
طبعا تشرشل برضو عندو تعريف كدا خطير خلاص للسياسه(policy is adirty game
وهكذا الناس شغالة في الدوامات اللي ذي دي
ولكن والله نحنا في السودان غايتو ربنا يعين...
خرمجه شديدة ....دمت طيب.........

ود السيالي سلام :: من قتل قرن ؟؟؟ ليس هذا المهم اما المهم لماذا قتل قرن ؟؟؟ وماهي الوثائق التي بسببها قتل قرن ؟؟؟ وماهي المعلومات التي وعد رياك مشار بالتحدث عنها بعد الاستفتاء ولماذا بعد الاستفتاء ؟؟؟؟؟ ولعلمك كل المذكورين في دائرة الاتهام براءة ...

التحية للدكتور منعم والى الشاب الثورى جدا


صدقت دكتور

تعقيبا على كلام الشاب الثورى :

القائد جون قرنق ...قائدا يحمل فى طيات قلبه هموم بلده ودى حقيقة لا يجافيها الا مكابر لا يلتفت ده جعلى والله زغاوى والله دينكاوى (وكذا صفات الابطال)...
القائد جون قرنق مثله مثل النميرى فى ايامه الاولى قبل ان يلتف عليه الحية الترابى يحمل حلم اى سودانى كيف ؟؟؟؟
اولا جميع صفقاته كانت تندرج لمصلحة الانسان السودانى ...جون قرنق لدى مخاطبته الاسرى قال كلمة واحده حقيقة اكبرت فيها الرجل الالف المرات وهى فى ما معناها بعد ان وضح لهم فكرت السودان الجديد :
يتبع
V
V

القائد جون قرنق لا يفصل الناس انو ده رطانى وده مندكورو وده كذا وكذا .....
قال للاسرى فى معنى كلامو بعد توضيح فكرته (انتم الان ربما تكونو واقعين تحت تاثير الاسر واى حاجة ممكن تنفذوها لانكم واقعين اسرى انتم ده بلدكم (لاحظ غالبيتهم مندكورو ) وسوف اوفر لكم بقدر المستطاع بطاطين واكل معليش لقيتو حالتنا شوية كده (كرر الاسف كذا مره) وبعد ما تتصلح حالتكم النفسية لو دايرين ترجعو اهلكم ارجعو أحرارا ولو اقتنعتو بفكرنا ما فى زول جابركم عليهو )

عليكم الله رحيل القائد ده اليس جزاءا وفاقا على ما نحمله من اضغان فى قلوبنا , وكان عقابا على اهل السودان رحيله
تعالو شوفو فى الجانب الآخر ناس الترابى 28 نفسا ضابطا دفنو أحياااااء ايا والله وسط رجاءات ان يرمو بالرصاص دفنو احيااااااااااء فى حفر 28 مندكورو دفنو فى حفر وسط رجاءاتهم ان يرمو بالرصاص ) متى فى رمضااااااااااااااااان رمضااااااااااااااااااااااان
آآآآآآآه الكلام كتيييييييير لذلك تجد دعوتى لموسفينى لماذا قتل أمل الشعب السودانى ؟؟؟؟؟؟؟؟؟؟؟؟؟
الامر لن يمر كراما سااااكت
الحكومه سواتها تحكى عنها براها .....
والنافذين فى الشريك ممن ارتضى الوضع المائل برضو ...معروفين
أين الأمل ؟؟؟؟؟؟
هل فى حركة خليل التى تدعو الى وحدة السودان , مع التلويح بتغير مزاج الحركة نحو انفصال دارفور !؟!؟
المشكلة بالواضح فى راس الحكومة الذى ارتضى ان يمرر قرارات ناس مكاوى بتاع الكهرباء اذن
وموت الترابى سوف يخرج اشكالا من المدفون
وتصريحات رياك مشار واااضحة ان هنالك اشياء مدفونة حول مقتل القائد.....


السياسة فى السودان .........دعوة للنقاش

ود السيالي سلام ::

تعرف موت الترابي بتموت معاه حاجات كثيرة لهذا نتمني له طولة العمر والخرف ...كلما خرف كلما طلع حاجات ...كلما همش كلما طلع حاجات اكثر ليعود للاضواء وهكذا ....

اقتباس: المشاركة الأصلية كتبت بواسطة elshaapyelthoory     ود السيالي سلام :: تعرف موت الترابي بتموت معاه حاجات كثيرة لهذا نتمني له طولة العمر والخرف ...كلما خرف كلما طلع حاجات ...كلما همش كلما طلع حاجات اكثر ليعود للاضواء وهكذا ....

السلام عليكم.....بالعربى
مسكادمى .....با المحسى
سرى ناقمن .....بالدنقلاوى

تحياتى الشاب الثورى

لم اخطى ظنى انك صاحب نظرة فاحصة ما شاء الله وهذا مدعاة للفخر فى حواء السودانية التى اتشرف ان اكون خارجا من رحمها المهم ...

فعلا كلما خرف الترابى كلما خرج المكنون ....
ولكن الا ترى معى ان خروج المكنون مع خطرفات الترابى الذى ابناءه يرون انهم ابناء المهدى مفجر الثورة الولى
وابناء الترابى مفجر الثورة الثانية او قل راسم سياسات الكبت للبلد....
يعنى كلما طال امده ومع تكشف الرمال لجماجم الهياكل يموت تبعهم اناس لهوان الحياة عليهم بعد رؤية احبابهم ؟؟؟؟

فليذهب الترابى غير ماسوفا عليه وعندها سوف تتبعه جوقته الواحد تلو الآخر صدقنى

الاخ محمد
معنى السياسة هي مرتسم اومخطط او خارطة طريق الحكومات التي من خلالها تنفيذ مايراد تنفيذة داخليا وخارجيا يعني لازم يكون هنال خطة معروفة الاهداف و معروف كيفية التنفيذها هذا بكل بساطة .
اما مايحدث في الساحة السياسية الان فهو الاتجاه السلبي للسياسة الذي نتاجه الحروبات والمجاعات والفقر وما الي ذلك من مشاكل .

ممتازه

تكنة دكتورنا الانسان

ممتازة شوية من وجهة نظرى انا
انا اقول الى ما لانهاية ممتازة اختى بت ام درمان الله يحفظك

اقتباس: المشاركة الأصلية كتبت بواسطة elshaapyelthoory     ود السيالي سلام :: تعرف موت الترابي بتموت معاه حاجات كثيرة لهذا نتمني له طولة العمر والخرف ...كلما خرف كلما طلع حاجات ...كلما همش كلما طلع حاجات اكثر ليعود للاضواء وهكذا ....

اقالة صلاح قوش
اختفاء الطيب سيخة

C.I.A والتنظيمات العالمية الاسلامية

المسالة تدار بعناية فاااائقة

الاخ ود السيالي سلام :

الكل يظن ان النظام غوش قوش ( لبسوا غوايش تمهيدا للكلبشات ) ونحن نتمني ان يكون تمهيدا للموت ...ونتمني ان ترصد لنا المتغيرات الاقتصادية في الفترة القادمة حيث ان هاك حركة للاحتكار والتخزين بفعل المستجدات ...

اقتباس: المشاركة الأصلية كتبت بواسطة elshaapyelthoory     الاخ ود السيالي سلام : الكل يظن ان النظام غوش قوش ( لبسوا غوايش تمهيدا للكلبشات ) ونحن نتمني ان يكون تمهيدا للموت ...ونتمني ان ترصد لنا المتغيرات الاقتصادية في الفترة القادمة حيث ان هاك حركة للاحتكار والتخزين بفعل المستجدات ...

يا ثورى تحياتى اليك يا عزيز:

صدقنى أمريكا سوف تبيع الانقاذ بواسطة النافذين

وما تنسى انو غالبية اعضاء السلك الوزارى من مايو

ومايو C.I.A

والترابى شايباك قديم

ورئيس البلد يرعى فقط ك الحمر

ويترك الحوليه ترعى برضو ولا يتركون للشعب حتى البذور الضاربة فى أعماق الارض

والنسى لى قديمو ضل

عشان كده انا زمااان قلت ليك سوف نشوف العلم

وهو علم الدولة الممنوعة عندنا

فقط مزيدا من الاذلال للشعب

والبقية سوف يباعون كما بيع بن لادن

وسوف تباع دول مثل يوغندا وتشاد التى وضعت على ميزان المقايضة الدولية

والان السودان تتجاذبه الاطراف

والشعب فى جراحات الموازين البغيضة

وسوف ترى من هو المصلى عليه فى الجميع

وخسارتنا كشعب

والقادم أحلى

ليبرمان فى اوغندا

تشين جاو فى نيجيريا

ساركوزى فى تشاد

باراك اوباما فى كينيا



والشعب غرقان

تشابكت الخطوط

ود السيالي سلام

لو وقفت علي ليبرمان ..وتشين جاو ..وساركوزي ..واوباما .. يكون كويس المصيبة في المرتدين الجدد في اثيوبيا ..قال ايه .. قال عاوزين يبريئوا البشير .... هيهات ..هيهات ...

اقتباس: المشاركة الأصلية كتبت بواسطة elshaapyelthoory     ود السيالي سلام لو وقفت علي ليبرمان ..وتشين جاو ..وساركوزي ..واوباما .. يكون كويس المصيبة في المرتدين الجدد في اثيوبيا ..قال ايه .. قال عاوزين يبريئوا البشير .... هيهات ..هيهات ...

التحية للشاب الثورى والله كلامك كلو مية المية

لكن المرتدين الجدد عرفو الاتى وهم يطبقون سياسات الناس ديل والثمن

((مفاجأة يفجرها د. رشدي سعيد:

إسرائيل تستعد لشراء مياه النيل من جنوب السودان بمباركة مصرية !

كتب عبدالوهاب خضر:

في تصريحات خاصة لـ «الأهالي» قال د. رشدي سعيد العالم الجيولوجي المعروف إن إسرائيل تستعد حاليا لشراء مياه النيل من منطقة جنوب السودان في حالة نجاح المخطط الدولي بفصل شمال السودان عن جنوبه قبل عام 2012.وأضاف أن هذه المياه سوف تصل إلي إسرائيل عن طريق مصر بعد دفع رسوم المرور المقررة لذلك (!!)، وردا علي سؤال حول إمكانية رفض الحكومة المصرية استخدام أراضيها لمرور هذه المياه قال «سعيد»: سوف توافق لأنها سمحت بتصدير الغاز المصري إلي العدو الإسرائيلي!. وطالب د. رشدي سعيد الحكومة المصرية بأن تعود إلي صوابها وتستعد لمواجهة خطر المياه القادم بعد تفتت السودان الشقيق، موضحا أن البنك الدولي يلعب دورا مواليا للخارج في تنفيذ هذا المخطط، وأوضح أنه بعد بناء السد العالي جري تخزين المياه التي تبلغ 32 مليار متر مكعب سنويا وأصبح نصيب مصر بعد اتفاق عام 1959 حوالي 5.55 مليار متر مكعب وهو نصيب الأسد، ومصدر نزاع حتي الآن، ومن هنا جاءت مبادرة حوض النيل لإعادة توزيع المياه، والخطورة تكمن هنا في دور البنك الدولي في هذه المبادرة، حيث يسعي «البنك» لتسهيل المخطط الذي ذكرناه سابقا في توصيل المياه لإسرائيل بصورة قانونية. ومن المعروف أن اتفاقيات مياه النيل تمنع نقل المياه خارج القارة إلا بموافقة دول حوض نهر النيل.انتقد د. رشدي سعيد السياسة الحالية للحكومة المصرية التي لا تمتلك خطة وطنية للحفاظ علي مياه النيل والتي يتم تبديدها في مشاريع فاشلة آخرها مشروع توشكي الذي أقدمت عليه الحكومة بصورة عشوائية فبعد مرور 12 سنة لم يزرع فيه أكثر من 20 ألف فدان رغم أنه كان من المقرر زراعة 350 ألف فدان وقال إنه ليس من المعقول أن يأخذ 10% من مياه مصر حوالي 4 مستثمرين لاستصلاح 500 فدان والـ 90% الأخري لباقي المصريين، وأوضح أيضا فشل السياسات الحالية في استصلاح الصحراء والتي مازالت جدباء خالية من التعمير والسكان رغم تصريحات المسئولين (!!). )))

فى مداخلة سوف ابحث عنها اعتقد انها فى بوست المياه لود ابنعوف اخى ذكرت سوف ترون العلم سوف ابحثها وااتى

اقتباس: المشاركة الأصلية كتبت بواسطة محمد السيالى     يا ثورى تحياتى اليك يا عزيز: صدقنى أمريكا سوف تبيع الانقاذ بواسطة النافذين وما تنسى انو غالبية اعضاء السلك الوزارى من مايو ومايو C.I.A والترابى شايباك قديم ورئيس البلد يرعى فقط ك الحمر ويترك الحوليه ترعى برضو ولا يتركون للشعب حتى البذور الضاربة فى أعماق الارض والنسى لى قديمو ضل عشان كده انا زمااان قلت ليك سوف نشوف العلم وهو علم الدولة الممنوعة عندنافقط مزيدا من الاذلال للشعب والبقية سوف يباعون كما بيع بن لادن وسوف تباع دول مثل يوغندا وتشاد التى وضعت على ميزان المقايضة الدولية والان السودان تتجاذبه الاطراف والشعب فى جراحات الموازين البغيضة وسوف ترى من هو المصلى عليه فى الجميع وخسارتنا كشعب والقادم أحلى

دى المداخلة وغيرها فووق يا ودالفكى