يا ناس الخرطوم - اسعار اراضي الوادي الاخضر بقت بي كم؟؟

بورداب الداخل، المنقشين المسائل

مساعدة لو سمحتو

اسعار الاراضي درجة اولى بالوادي الاخضر 500 متر بقت بي كم




جلابة جلابة

النشوف مصالحنا وين



ومافي زول يقول لي مربع كم وللا بتاع، انا اساسا الوادي الاخضر زاتو ما بعرفو بي وين

وبالمرة يا السيالي اسعار العلاماب 500 متر بكم اظنها جنوب او شمال مدينة الصحفيين وقالوا المويه والكهرباء وصلت صحي الكلام دا عشان نعرش علي كده

وكمان اسعار اللحوم والخضروات والفواكه اسبوعيا تنزل لينا

والعرس كيف رخيص ولا غالي ماتقولوا الغالي بغلاتو ادوغك شنو والرخيص برخصتو

وموضع الايثار ماشي كيف نجح ولا غطس حجروا

جلابي تحت التمرين وعيونو محمره

اقتباس: المشاركة الأصلية كتبت بواسطة محمد المعتصم ابراهيم     جلابي تحت التمرين وعيونو محمره

اخونا محمد المعتصم

قصة العرس والايثار دي فاتت علي تشكر على التذكرة

يالله يا ود السيالي

افيدونا افادكم الله

بالله برضو 200 متر مربع أو (طولي) في ودالبخيت

أو درديب .... (وجه بدون طموحات خالص)

درديب دي كمان وين يا كوكو؟؟؟

انتو بتجيبو الاسماء دي من وين

اها الرقشه والهايس وامجاد وكريس كيف الواحد يكون مستثمر ناجح فيهم والدخل كيف بالله عليكم الله اكتبو لينا
ونحن بنكتب ليكم

درديب دي جنب درديخ من الدروخه

معليش .... الواحد مطشش بقى ... أنعل أبوالكان السبب

درديب دي قريبة من سواكن .. حوالي 250 كيلو

قصدي ( دردوق ) ... قدام السامراب

اقتباس: المشاركة الأصلية كتبت بواسطة koko123     معليش .... الواحد مطشش بقى ... أنعل أبوالكان السبب درديب دي قريبة من سواكن .. حوالي 250 كيلو قصدي ( دردوق ) ... قدام السامراب

كوكو حابيها ,,

ما تسب فوكي ساكت
قلت ليك مية مره غير الصنف
وانت راكب راسك وعاجبك الرخيص دا
انا اعمل ليك شنو ؟؟؟؟

اقتباس: المشاركة الأصلية كتبت بواسطة محمد المعتصم ابراهيم     اها الرقشه والهايس وامجاد وكريس كيف الواحد يكون مستثمر ناجح فيهم والدخل كيف بالله عليكم الله اكتبو لينا ونحن بنكتب ليكم درديب دي جنب درديخ من الدروخه

يا أبو حميد ,, سلامات

بما انا فوكي طقه وكدا
أنا من حسي حاجز اكون جوكي عندك

قلت شنووو ؟؟؟

بوريكم بوريكم اصبرو لى
طلعو حق السمسرة بررررره

والما بطلع حق السمسره اكيد بنرمى ليهو واطاتو
وللذى يريد ان يشترى السعر غااالى

يعنى مثلا تقول سعر الواطا فى دردريب او دردوق لمن يريد البيع واطاتك بتغرق كل سنة , وهكذا تانى مافى زول بسكن بى هناك ونبورا ليهو زى بويرت نبته وما جاورها


ابن عوف ان عارف الوادى الاخضر ده ساكنو جن وكده ....

بجيكم راجع

بالله يا ود ابنعوف داير تمرق من لندن الى ارض المحن

دقايق وبجيكم


تخريمة:-

مجيدو الاوت اختاهو تعال لينا فى الآت

اقتباس: المشاركة الأصلية كتبت بواسطة محمد السيالى     بوريكم بوريكم اصبرو لى طلعو حق السمسرة بررررره والما بطلع حق السمسره اكيد بنرمى ليهو واطاتو وللذى يريد ان يشترى السعر غااالى يعنى مثلا تقول سعر الواطا فى دردريب او دردوق لمن يريد البيع واطاتك بتغرق كل سنة , وهكذا تانى مافى زول بسكن بى هناك ونبورا ليهو زى بويرت نبته وما جاورها ابن عوف ان عارف الوادى الاخضر ده ساكنو جن وكده .... بجيكم راجع بالله يا ود ابنعوف داير تمرق من لندن الى ارض المحن دقايق وبجيكم تخريمة:- مجيدو الاوت اختاهو تعال لينا فى الآت

55555555555555555555555555
يا ود الســــــيالي

ككاااااااااااااااااك سعر الأرض ب

555555
خمسات بس الليلة وين أنا منظرك لي 5 أيام و 5 ليالي و5 يوم عمل كلها خمسات بس

تصـــــدق الجماعة بقوا يحبوا الخمسات
من صقور مازمبي ادوكم خمسة

5555555555555555555555555

اقتباس: المشاركة الأصلية كتبت بواسطة محمد السيالى     تخريمة:- مجيدو الاوت اختاهو تعال لينا فى الآت

ود السيالي ,,,,كااااااك

كل من عليها أأأت

انا ماداير اقول ليكم حافظو على سبعاتكم

لكن خمسة - اتنين = كم

يخمسكم الخمس اكرم

والله يا ود بشارى ومجيدو انا من شفته كابوندى والجماعة شغلو تاج السر اخوى هنا ومابعرفو الكاردينال وقطيع كهربة عرفته الشغلة فيها انه
انا عارفكم يا الرخاريخ لكن ما فى مشكلة
نحب الهلال حتى الموت

الله لا كسبك يا مكاوى والله لاكسب سد مروى واليوم الجاء فيهو سد مروى



ويا ضلنا هدية ليكم

ود ابنعوف

منطقة الجن من غير سمسرة اربعة مليون
وتنظر الى ان تقوم الساعة

اها يا ودالمعتصم العلاماب بى سمسرتا تلاته مليون ونص او اربعة و0990 جنيه
ولو تنازل قريبك او دفعته حق السمسرة بطلعا ليك وحات الله بى مليون ونص بس

اما دردريب فهى مابين سبعات الوحدات وخمستاشرات حسب نقيع الموية اى حسب التصريف ولل200 متر لاتتنازل من السبعة البتة

طلعو حق السمسرة بره

اقتباس: المشاركة الأصلية كتبت بواسطة محمد السيالى     ود ابنعوف منطقة الجن من غير سمسرة اربعة مليون وتنظر الى ان تقوم الساعة اها يا ودالمعتصم العلاماب بى سمسرتا تلاته مليون ونص او اربعة و0990 جنيه ولو تنازل قريبك او دفعته حق السمسرة بطلعا ليك وحات الله بى مليون ونص بس اما دردريب فهى مابين سبعات الوحدات وخمستاشرات حسب نقيع الموية اى حسب التصريف ولل200 متر لاتتنازل من السبعة البتة طلعو حق السمسرة بره

يا السيالي سيبك من دراب ولا دافوري دي كيمو دا وضعو غير طبيعي حسب افادة اللواء مجيدو والزول دا في زمت البوست دا لمن انتهي
بعدين اكتب لي يا بالارقام يا بالحروف ما تلخبط بعدين انسي موضوع السمسره اخوك عايز ليه سلفيه علي الايجار دي علي وزن بضاعة تحت التصريف يعني البسلفنا يسكن ويخصم ويخم ويصر
المويه والكهرباء ركز عليهم لان فرق السعر بجي فيهم والمنطقه من قلب الخرطوم بتبعد كم كيلو

يا مجيدو جوكي داير تنتهي من الهايس شكيتك علي الله التعرضتا لبنات الناس في صمة عقلن
يا مجيدو اخلصنو منك كاش في الدنيا دي

يا امين يا اخي ما تخش علي بوست صاحبك الفته تمبس شايفوا بنظر كويس

اها العلاماب يا ودالمعتصم مبروكة عليك تب بشرط

1- سمك كااارب فى الموردة
2- تانى ماتقربو نهائيا على مثنى حقتى
3- يمنع منعا باتا شراب الدايت

اقتباس: المشاركة الأصلية كتبت بواسطة محمد السيالى     اها العلاماب يا ودالمعتصم مبروكة عليك تب بشرط 1- سمك كااارب فى الموردة 2- تانى ماتقربو نهائيا على مثنى حقتى 3- يمنع منعا باتا شراب الدايت

نمره اتنين دي ينظر ويفاد خليها منافسه نزيه علي وزن انتخابات نزيه السمك خليه علي الجبل والمورده والصحافه
الدايت خليناهو اها ركز علي الاسعار الحلوه

اقتباس: المشاركة الأصلية كتبت بواسطة محمد المعتصم ابراهيم     نمره اتنين دي ينظر ويفاد خليها منافسه نزيه علي وزن انتخابات نزيه السمك خليه علي الجبل والمورده والصحافه الدايت خليناهو اها ركز علي الاسعار الحلوه

شفته نمرة اتنين ده انا تيتو فى النص مخصوص لان خير الامور اوسطها يعنى بالواااضح مهم جدا

اها قالو اتنين اكان قالو ليك راسك مافى اهبشو عشان كده راس زولك ده بلقاهو مافى


اها مثنى دى انا فطيتا ليك يعنى قصيدة ريده بين اتنين ...

غايتو وجها لوجه ماابقدر على

لكن اليومين ديل اخوك مفلس وناس المرور بتحبو وكل زول بى قلبو

بجيك بكرة ان شاء الله

وتحياتى للاسرة الكريمة

وفتش لى شغل فى السعودية كرهنا البلد دى يا ودالمعتصم امكن نلقى لينا شقة مفروشة بى عمال نظافتا كمان


السيالى قرطعاااااا

اقتباس: المشاركة الأصلية كتبت بواسطة أحمد ابن عوف     بورداب الداخل، المنقشين المسائل مساعدة لو سمحتو اسعار الاراضي درجة اولى بالوادي الاخضر 500 متر بقت بي كم :d

ود ابن عوف
الوادي الأخدر دي بقت موضة عند المغتربين ديل.. أي واحد تتكلم معاهو كلمتين يقول ليك اشتري فيها أرض!
واللذيذة جماعتنا - وجماعتكم - ناس الخرطوم ديل ما عارفنها هي ذاتا بتقع وين.. كلما اسألم عنها يقولو لي بقرف كده.. ما عارفين!
أنا غايتو عايز لي أرض في المعمورة وحافلة هايس, على رأي الجماعة.. وأضعف الإيمان أمجاد..

اقتباس: المشاركة الأصلية كتبت بواسطة محمد السيالى     ود ابنعوف منطقة الجن من غير سمسرة اربعة مليون وتنظر الى ان تقوم الساعة

ود السيالي يا ود السوق

اولا منطقة جن في عينك، هو اكان الجلابي سكن حتة الجن بقعد معاهو

بعدين سمعنا غير الاربعة مليون بتاعتك دي


اما في ما يخص الساعة، فاحنا من الناحية دي مطمئنين جدا، لانها ح تقوم من الديم (ديامة يا حطب القيامة)

اللييييييييلة ما تجي الفنجرية، قولوا ليها ما تجي البوست الديامية دي

اقتباس: المشاركة الأصلية كتبت بواسطة hatim..     ود ابن عوف الوادي الأخدر دي بقت موضة عند المغتربين ديل.. أي واحد تتكلم معاهو كلمتين يقول ليك اشتري فيها أرض! واللذيذة جماعتنا - وجماعتكم - ناس الخرطوم ديل ما عارفنها هي ذاتا بتقع وين.. كلما اسألم عنها يقولو لي بقرف كده.. ما عارفين! أنا غايتو عايز لي أرض في المعمورة وحافلة هايس, على رأي الجماعة.. وأضعف الإيمان أمجاد..

اخونا حاتم ود البراري الخرطومي الاصيل

بالله شوفت جنس الحالة البقينا فيها دي يا ود حلتنا

بقينا نفتش للاراضي في سقط لقط

عارف يا حاتم السبب الوحيد الشجهني اني اشتري في الوادي الاخضر هو عقلا ومنطقا مافي سبب في الدنيا بخليني اشتري لي واطة في السودان الكبير دا بـ 100 مليون، 200 مليون، دي ارقام عادية، وانسا ناس مليار وبليون برضو في.

عوارة هي اصلها، لكن دا موضوع تاني عن اسعار الاراضي في الخرطوم وغرابتها.


المعمورة دي يا سيدي الا تجهز ليك كاش ممكن بي نفس التمن تعمل ليك حركة مسلحة


ود السيالي : بطل استنكاح، جيب آخر الاسعار في الوادي

وبالمرة يا السيالي لو عندك فكرة عن اسعار الاراضي في الضعين او المجلد تكون ما قصرت معانا

وكادوقلي برضو

شايف قالوا بظبتو شوارع ظلط هناك، امكن بعدين يكون فيها كده كويسه

ود ابنعوف يا صديق

انت عاوز بالفيافي ديييك شنو
خليك مع اهلك ناس قلب الخرطوم مرطب
ولا اقول ليك تعال ندييييك قطعه 600 متر في عطبره تنفع معاك احسن من الوادى الاخضر.... عطبره كلها بقت كبارى طايره .. وظُلطا

اما ود المعتصم قوليهوو خلي يسقف على كدا وبدون سلم ذاتوووا

السيالى لو طلعوووو ليك حق السمسره حقى بره ,,,

اقتباس: المشاركة الأصلية كتبت بواسطة ود قرشي     ود ابنعوف يا صديق انت عاوز بالفيافي ديييك شنو

عشان نتغالط انا وناس الحكومة واوديهم لاهاي

يا يقسموا لينا معاهم في البترول ويعدلوا نيفاشا

المسيرية 2%

دينكا نقوك 2%

والجلابة المشترين في الضعين برضو 2%


مالك يا ود قرشي داير تكشف اوراقنا وخططنا الاستعمارية

ود ابنعوف ,,
هاك اقراء الخبر دا عشان تعرف حلة ناس ود السيالي اخر ترطيبه :

اقتباس: يتزايد الاقبال يوم بعد يوم على منطقة شرق النيل بينما يزداد على أثر ذلك اسعار الاراضي، وعزا صلاح حمزة - تاجر اراضي - لـ (الرأي العام) تزايد الاقبال على شراء الاراضي بشرق النيل الناحية الامنية والبيئية والاتساع، مع قيام بعض الكباري واشار صلاح الى مدينة الفاتح، حيث بلغت قطعة الارض درجة ثالثة (12.500) ألف جنيه بينما درجة ثانية (16) ألف جنيه والأولى فاقت الثلاثين مليون، وكافوري القطعة ما بين (650 - 850) الف جنيهاً والفيحاء من (64 - 170) مليون حسب الموقع، من جهة أخرى يشهد الاقبال على منطقة نبتة ضعفاً ملحوظاً رغم وجود الماء والكهرباء وشوارع الاسفلت. وأوضح صلاح: ان صندوق الاسكان يكون الاقبال عليه في البداية ثم يتراجع ذلك.

تصدق أنا قبل سنه اشتريت لي أرض في جبره الجديده بمائه وخمسون ( تعادل 65 الف دولار )
ولغاية اليوم انا ميزانيتي متدهوره وماقادر استعدل من الضربه ديك -
طبعا البناء حيكلف اكتر من 200 وان شاء الله بعد عمر طويل نعمل لينا فيها قوبطيه ( خوخ ) لزوم القعدات المسائية فقط
( ولد دا )

انصحكم بالشراء في العلاماب
العلاماب تشبه القلاباب اقصد القلابات
تاريخ وحضاره ومجد

ود قرشي النلس قالوا فكو العرش انتي داير تعرش علي كده

بالمناسبه بتعرف الحكم المشهور ( خضر فته )

اقتباس: المشاركة الأصلية كتبت بواسطة محمد عبد المجيد     ود ابنعوف ,, هاك اقراء الخبر دا عشان تعرف حلة ناس ود السيالي اخر ترطيبه :

عشان كده جاء جارير وكايس لحق السمسرةن عارف السوق واري بهناك


قلت لي

اقتباس: الناحية الامنية

الجماعة ملاوزين من اذرعة طويلة وكده


مجيدو بالله ما تنساني في القعدات دي يا حبه

لكن حقو تجينا في شرق النيل دي عشان الهواء بتاعا لطيف وكده، جبرة دي الغبار مافيها حاجة

ود ابنعوف يا زول الضعين اغلى من المنشية

قرب مناطق الانتاج وكده .....
اما كادقلى ووو افتكر انو ايجار البيت بجيب ليك 10 قطع فى الوادى الاخضر ده قبل الحكومة ما تطرد الجماعة

اهــــــــــا نجى لى وادينا الاخضر ابو جننا احمر

لو جعلتنى ليك من الناصحين وحسب ما شفته مكان ولادتك الجنب القصر الجمهورى يا مان
اعتقد انك غير صالح للسكن فى الوادى الاخضر يا حبيب ورغم حزام الكارتيه الاسود الذى تحمله
انت قايل ودجبريل ده داير يطير بره ليشنو ؟؟؟
ما ياهو ده السبب زااااطو

اسمع كلام مجيدو وتعال اسكن معانا فى عد بابكر او العلاماب او هى التعويضات بالواضح
بقعة لامة كل بقاع السودان وبطيبتهم كمان
وربنا كمان اكرمنا بهواء نقى خالى تلوثات كهرباء وكده
وبدينا من الصفر شربنا موية الكارو الى ان عملنا بئر ارتوازيه
وبنينا جامعنا وكنائسنا بيدنا كمان بدون مساعدة زول
لو داير تصلى العصر فى اى حتة زووول بقول ليك امبقم مافى
تغشى سوق ستة تشترى خضاار
سبحان الله
الطماطم فى كل بقاع السودان الكيلو بى كم طاشر كده ما وزير الزراعة المتعافى نحن فى سوق ستة بى خمسة الف بس اى والله صفيحة الويكة فى الكلاكلة بى عييييييييييك راتب شهر عندنا فى سوق ستة اقرب الى تمن الكوم فى ام درمان

رحمة من الله
والكهرباء لا يتاثر بها سوقنا لان معتمد على الوابورات
...
حسدونا فى سوقنا
يوم الجمعة عييك الخواجات والمصريات والعالم كلو فى سوق ستة
وحناكيش الخرطوم بجونا بى هناك نظام مجازفات وكده

الله ده كريم اكرمنا بطريق دائرى وزلط جاء غصبا عن عين اى زول

والله كريم حول مننا المطار كى تعمر الارض بسكانها
والله كريم ان تكون اقرب نقطة للمنشية سكان الهامش البعييييد

يعنى لافرق بين المنشية ام ملييااااار وعد بابكر ام 10 مليون
واسال مجيدو يوم ضرب عشان اجيهو ما اخرنى الا ابوذر من المطعم مامرق انا كنته جنبو
وانت زاااتك انا وصلتك فى زمن قياااسى

انا جاييك من هناك يا حبيب

ولو سكنته الوادى الاخضر نعتبرك زى الزول الساكن الخرطوم وانت فى جبل اولياء

بجيكم راجع

اقتباس: المشاركة الأصلية كتبت بواسطة محمد المعتصم ابراهيم     انصحكم بالشراء في العلاماب العلاماب تشبه القلاباب اقصد القلابات تاريخ وحضاره ومجد

اول مرة الزول يعرف انو عشان يشتري ليهو واطه يتلم فيها هو وعيالو

الا يقرا كتاب طبقات ود ضيف الله

نرجع نذاكر تاني وللا شنو يا ود المعتصم

ادونا احداثيات، قوقلوها، جيبوا خرائط انشاء الله بتاعت التعايشي

اقتباس: المشاركة الأصلية كتبت بواسطة أحمد ابن عوف     اول مرة الزول يعرف انو عشان يشتري ليهو واطه يتلم فيها هو وعيالو الا يقرا كتاب طبقات ود ضيف الله نرجع نذاكر تاني وللا شنو يا ود المعتصم ادونا احداثيات، قوقلوها، جيبوا خرائط انشاء الله بتاعت التعايشي

العلاماب يا ود ابنعوف انا عندى فيها الف متر

لو داير يازول والله ما تغلى عليك

جـــــــــــــــــــــــــــــــــــادى انا

اقتباس: المشاركة الأصلية كتبت بواسطة محمد السيالى     ود ابنعوف يا زول الضعين اغلى من المنشية قرب مناطق الانتاج وكده .....

اكيد ديل الجلابة الملاعين ديل، نقشوا الفيلم من بدري وخلو ليك الزاهد يشيك ويكورك ويجدع في الحجار على المؤتمر الوطني وهم بهناك مدورين بزنس

الخرابة التخربهم، اوع يكون فيهم شوايقة

اقتباس: المشاركة الأصلية كتبت بواسطة محمد السيالى     اما كادقلى ووو افتكر انو ايجار البيت بجيب ليك 10 قطع فى الوادى الاخضر ده قبل الحكومة ما تطرد الجماعة

برضو لحقو ناس ادكون بهناك

الحكومة طردت منو من هناك - الجماعة ديل منو؟؟؟

اقتباس: المشاركة الأصلية كتبت بواسطة محمد السيالى     اهــــــــــا نجى لى وادينا الاخضر ابو جننا احمر لو جعلتنى ليك من الناصحين وحسب ما شفته مكان ولادتك الجنب القصر الجمهورى يا مان اعتقد انك غير صالح للسكن فى الوادى الاخضر يا حبيب ورغم حزام الكارتيه الاسود الذى تحمله انت قايل ودجبريل ده داير يطير بره ليشنو ؟؟؟ ما ياهو ده السبب زااااطو

يا ود السيالين زماااااان قالو لينا امبدة دي كوشة ساكت، دا اول ايام يخططوها، ومافي داعي تشتروا فيها وما عندها مستقبلن وكانت بملاليم، يعني سمعت الكلام من كبارنا، اها ، قاموا صهينوا ليك من الموضوع، شوف الليلة امبدة بقت بي كم؟؟

خليك من انها بقت بي كم، امبدة بقت وسط امدرمان زااتو، وملتقى طرق، واحسن حتة تسكن فيها الليلة في امدرمان، دي القالو لابهاتنا كوشة ساكت وما عندها مستقبل.

وادينا الاخضر بجنو الاحمر ما بنخليهو

اقتباس: المشاركة الأصلية كتبت بواسطة محمد السيالى     العلاماب يا ود ابنعوف انا عندى فيها الف متر لو داير يازول والله ما تغلى عليك جـــــــــــــــــــــــــــــــــــادى انا

تسلم يا ود السيالي

دا من اصلك، وعارفنك ما بتقصر

الا بس جيبو لينا موقعها من قوقل ايرث

بعدين نشوف

العلاماب تقع شرق التعويضات

اوصف ليك من المنشية

تطلع كبرى المنشية - تلاقيك صينية الجريف التحت الكبرى - تفطا فى شارعين واحد ماشى على صينية تانية والتانى يدخلن بيهو المواصلات ....المسافة قريبة

اهـــــــــا فى تقاطع شارع الجيلى المصفى مع هذا الشارع الذى يدخلك فيحاء بحرى ....
لو مشيت بشارع فيحاء بحرى بدخلك الحاج يوسفات ده النخليهو

لو مشيت بشارع المصفى الجيلى اسمه شااارع الهواء لانو بتمشى فيهو طيران ولو لاقاك بتاع مرور بى هناك عااادى تديهو دقه وتقلع بنطلونو تغسل بيهو عربيتك ...

اها شارع الهواء ده تمشى بيهو طوااالى شارع العيلفون نهاية عمدان الانارة تلقى الشارع عمل اتجاه واحد متفرع

واحد ماشى العيلفون
والتانى المصفى

تمشى طواااالى لحدى ما يلاقيك كنار او ترعة السليت

والشارع لافى بدرجة 90 اها على يمينك قبل اللفة مبانى قايمة جديدة

شى حى النصر وشى مابعرفو حى شنو
المهم عمااارااات وكلهم ضباااط

القطعة فى الحتة دى مابين الخمسين الى المية وعشرين

اها تبارى الترعة طوااالى بتلقى تقاطع شارع المصفى مع شارع الوحدة عد بابكر

تلف على عد بابكر

وطوااالى بعد عد بابكر بتلقى التعويضات

جوارها اللاماب

بعد العلاماااب بمسااافة بتلقى واديك الاخضر ابو جنا احمر


اها داير خريطة تانى

اما شارع فيحاء بحرى بلف بيك جنس لف وبوصفو ليك بكرة ان شاء الله

تحياتى ياعزيزى

الحضورر الكريم السادة اصحاب الارضي والسماسرة والشماشرة حالتكم صعبة خلاص واحد قال في دردوق دردوق دي غيتووو قالووو تشتريها غالية وتبيعة رخصيه اما الوادي الاخضر دي قال عبارة عن سوق اسهم يعني المغتربين بزعطوهم السماسرة بي اسم الوادي الاخضر غيتوو واحد صحبي اشتراهااا في الوادي الاخضر وشابكنو ليك درجة اولي وبتاع بي 12 مليون طبعا اشتري وسجل هنا في السفارة لمن نزل السودان قالو ليهو بي تلاتة ونص وكان خليتهاااامكن ماتجيب ليك ولاجنية عشان كدا احسن تبيعة والمال تلتو ولا قتلتوو طبعا دا شعار السماسرة واخونا باع طوالي
انتووو يااخونااا المتر المربع في المنشية بي كم قالو بغي اغلي من المتر المربع في كوكب المريخ :funny:

اقتباس: المشاركة الأصلية كتبت بواسطة ود الفكي     انتووو يااخونااا المتر المربع في المنشية بي كم قالو بغي اغلي من المتر المربع في كوكب المريخ :funny:

ود الفكي

دي بس لا تسالوا عن اشياء تبدو لكم تسؤكم




لكن صحبك المغترب دقس، دي حركات سماسرة زي ناس ود السيالي دا، دايرين يدقسو المغتربين، بس تعال بعد كم سنة شوف الوادي دي بتبقى بي كم

عارف يا ود الفكي انا المكيفني في الوادي دا شنو:

1- اعتقادي التام ان اي ارض سكنية في السودان ما مفروض تكون اغلى من كده

2- انو الصحفيين ساكنين معانا

عارف الصحفيين ديل لسانم طويل، لو واحد ساكت عجلة الشافع اتسرقتـ تاني يوم تلقى الجرايد كوووولها

نحن في خطر، تهديد امني خطير على اطفالنا

لو ماسورة موية مكسورة في الشارع

"اهمال الدولة سيودي الى هلاك قطاع كبير من الشعب" ويزرزروا ليك بتاع المحلية والبلدية لمن يجيهم جاري

فديل ناس مكسب تسكن بجوارهم

موش المثل بقول الجار قبل الدار

اقتباس: المشاركة الأصلية كتبت بواسطة ود الفكي     اما الوادي الاخضر دي قال عبارة عن سوق اسهم يعني المغتربين بزعطوهم السماسرة بي اسم الوادي الاخضر غيتوو واحد صحبي اشتراهااا في الوادي الاخضر وشابكنو ليك درجة اولي وبتاع بي 12 مليون طبعا اشتري وسجل هنا في السفارة لمن نزل السودان قالو ليهو بي تلاتة ونص وكان خليتهاااامكن ماتجيب ليك ولاجنية عشان كدا احسن تبيعة والمال تلتو ولا قتلتوو طبعا دا شعار السماسرة واخونا باع طوالي :funny:[/color]

ود الفكي
شكلو زولك ده إتغشى..
12 مليون كتيييرة ياخ.. في السفارة بي 6 ألف ريال وبالتقسيط كمان..
وما في فرق بين سعرها في السفارة وسعرها في السودان..
الزول ده إنتا متأكد إشتراها من السفارة.. ولا من سماسرة ساااااي..

لكن برضو لو كان صبر عليها.. كان سعرها حيزيد.. وهو هسا زايد..
والأراضي في السودان نهائي ما بتنزل.. بس يلزمك حبه صبر عليها..

ربنا يلَزمنا الصبر..

اقتباس: المشاركة الأصلية كتبت بواسطة أحمد ابن عوف     المعمورة دي يا سيدي الا تجهز ليك كاش ممكن بي نفس التمن تعمل ليك حركة مسلحة

يعني يا ود ابن عوف الزول ما يحلم كمان..
يا زول أنا عشان أشتري أرض "جوة الخرطوم" عايز لي أكتر من عمر واحد!
إحتمال عمرين تلاتة كده..

لكن بيني وبينك.. حكاية الوادي الأخدر دي زانة لي في راسي اليومين ديل.. حتة بعييييدة وهوا نضيف ياخ..
وبالمرة الواحد يعرف الناس دي بتعيش بعيييد كده مالا.. طالما في حتات قريبة ذي المنشية والرياض والعمارات..

البوست دا مسئولية بورداب العاصمه والاقاليم بالسودان

عايزين نعرف اسعار الاراضى والبيوت فى مدنى والابيض والفاشر ونيالا والجنينه وهلم جرا